კონსილიუმის რეკომენდაცია უნდა შესრულდეს - "ქართული ოცნების" არც ერთმა პოლიტიკურმა პირმა, რაც არ უნდა ანგაჟირებული იყოს, არ უნდა აიღოს რისკი,- ამის შესახებ "ლელოს" ერთ-ერთმა ლიდერმა ბადრი ჯაფარიძემ ჟურნალისტებთან განაცხადა.

მისი თქმით, ხელისუფლებამ სააკაშვილთან დაკავშირებით პოლიტიკური გადაწყვეტილება არ უნდა მიიღოს.

"მე როგორც გავიგე კონსოლიუმის გადაწყვეტილება იყო, რომ აუცილებელია გარკვეული კვლევების ჩატარება, ამისთვის აუცილებელი აპარატურა არ არის ციხის საავადმყოფოში, შესაბამისად, კონსილიუმის რეკომენდაცია უნდა გაითვალისწინონ და არ უნდა იქნას მიღებული პოლიტიკური გადაწყვეტილება. ვსაუბრობთ სააკაშვილის ჯანმრთელობასთან დაკავშირებულ საფრთხეებზე. ვსაუბრობთ ძალიან დიდ რისკებზე და "ქართული ოცნების" არც ერთმა პოლიტიკურმა პირმა, რაც არ უნდა ანგაჟირებული იყოს, არ უნდა აიღოს ეს რისკი", - განაცხადა ჯაფარიძემ.