ევროპის წამლის სააგენტომ დაიწყო მოზრდილებში კოვიდ-19-ის სამკურნალო პრეპარატის შესწავლის დაჩქარებული პროცედურა. ამის შესახებ სააგენტო იუწყება.
„ევროპის წამლის სააგენტოს შესაბამისმა კომიტეტმა დაიწყო ვირუსის საწინააღმდეგო პერორალური პრეპარატის „მოლნუპირავირის“ განხილვა, რომელიც შემუშავებულია Merck Sharp & Dohme და Ridgeback Biotherapeutics-ის მიერ კორონავირუსის სამკურნალოდ მოზრდილებში“ , - ნათქვამია განცხადებაში.
პროცედურის დაწყების გადაწყვეტილება დაფუძნებულია ლაბორატორიული და კლინიკური კვლევების წინასწარ შედეგებზე.
სააგენტოს ცნობით, ეს კვლევები ცხადჰყოფს, რომ წამალს შეუძლია შეამციროს SARS CoV 2 ვირუსის გამრავლება ორგანიზმში, რითაც აარიდებს ჰოსპიტალიზაციასა და სიკვდილიანობას კოვიდ-19-ით დაავადებულ პაციენტებში.