ალეკ ბოლდუინი ტრაგიკულად დაღუპული ოპერატორის ქმარ-შვილს შეხვდა

ჰოლივუდის მსახიობი ალეკ ბოლდუინი გადასაღებ მოედანზე, მის მიერ გასროლის შედეგად ტრაგიკულად დაღუპული ოპერატორის, ჰალინა ჰატჩინსის მეუღლეს და 9 წლის შვილს შეხვდა.

მედიის ინფორმაციით, მსახიობისა და მამა-შვილის შეხვედრა სანტა ფეს სასტუმროში გაიმართა. ვრცელდება ფოტოები, სადაც ჩანს, ალეკ ბოლდუინისა და დაღუპული ოპერატორის ქმარ-შვილის ემოციური შეხვედრა.

ალეკ ბოლდუინმა გადასაღებ მოედანზე მომხდარი ტრაგიკული შემთხვევის შესახებ კომენტარი რამდენიმე დღის წინ გააკეთა.

„სიტყვები არ მყოფნის ჩემი შოკის და მწუხარების გადმოსაცემად ტრაგიკულ უბედურ შემთხვევასთან დაკავშირებით, რაც მეუღლის, დედის და ჩვენი პატივცემული კოლეგის, ჰალინა ჰატჩინსის ცხოვრებაში მოხდა. გულმოკლული ვარ მისი ქმრის, შვილის და ყველა იმ ადამიანის გამო, ვინც ჰალინას იცნობდა და ვისაც ის უყვარდა,“- დაწერა მსახიობმა „ტვიტერში“.

შეგახსენებთ, რამდენიმე დღის წინ ჰოლივუდის მსახიობმა ალეკ ბოლდუინმა გადასაღებ მოედანზე ცეცხლსასროლი იარაღიდან გაისროლა, რის შედეგადაც ოპერატორი ქალი გარდაიცვალა, ფილმის რეჟისორი კი - დაიჭრა. მედიის ინფორმაციით, მსახიობმა გასროლა განახორციელა იარაღიდან, რომელშიც ფუჭი ვაზნები უნდა ყოფილიყო. ინციდენტი ნიუ-მექსიკოს შტატში ვესტერნის ჟანრის ფილმის, Rust-ის გადაღების მოედანზე მოხდა. ალეკ ბოლდუინს იარაღი რეჟისორის ასისტენტმა მიაწოდა და უთხრა, რომ უსაფრთხო იყო.

ზურაბ ბატიაშვილი - დასავლეთში მიღებულია გადაწყვეტილება, რომ ამ ომში უკრაინამ უნდა გაიმარჯვოს და ეს 2023 წელს მოხდება
ქართული პრესის მიმოხილვა 26.01.2023
ფარხად მამედოვი - აზერბაიჯან-სომხეთის მოლაპარაკებები შეიძლება შედგეს თბილისში, მაგრამ იმ შემთხვევაში, თუ ძირითადი მოდერატორი ამერიკა იქნება და არა ევროკავშირი
ხელოვნური ინტელექტი და სწავლების მეთოდები - BTU მასშტაბურ კვლევას იწყებს
ქართული ბიზნესკომპანიები უკრაინის მხარდაჭერას განაგრძობენ
Glovo და TNET საქართველოში ახალ ტექნოლოგიურ რეალობას ქმნიან
ხელოვნური ინტელექტის ინოვაციური პროდუქტის ChatGPT-ს შესახებ BTU-ში დისკუსია გაიმართა
Wolt საქართველოს მომხმარებელთა მხარდაჭერის გუნდი მალე გერმანიასაც მოემსახურება
“ლიბერთი” განათლების ხელშეწყობას აგრძელებს
წიგნი, რომელიც ხელოვნური ინტელექტის მიერ დაიწერა BTU-ში წარადგინეს
USA2GEORGIA მომხმარებლის წინაშე სრულ პასუხისმგებლობას იღებს და გამოწვევას უპრეცედენტო ლოიალობით პასუხობს