ბორის ჯონსონი - გაერთიანებული სამეფოსა და რუსეთის ურთიერთობებში მნიშვნელოვანი სირთულეები არსებობს
გაერთიანებული სამეფოს პრემიერ-მინისტრ ბორის ჯონსონსა და რუსეთის პრეზიდენტ ვლადიმერ პუტინს შორის სატელეფონო საუბარი გაიმართა.
„გაერთიანებული სამეფოს პრემიერ-მინისტრმა გარკვევით აღნიშნა, რომ რუსეთთან ურთიერთობა არ არის ისეთი, როგორიც ჩვენ გვსურს. მისი თქმით, გაერთიანებული სამეფოსა და რუსეთის ურთიერთობებში მნიშვნელოვანი ორმხრივი სირთულეები არსებობს, მათ შორის 2018 წელს სოლსბერიში მომხდარ მოწამვლის ფაქტთან დაკავშირებით. პრემიერ-მინისტრმა ასევე ხაზი გაუსვა უკრაინის სუვერენიტეტის მნიშვნელობას“, - განაცხადა დაუნინგ სტრიტის პრესსპიკერმა სატელეფონო საუბრის შემდეგ.
კრემლის ინფორმაციით კი ორმა ლიდერმა ორმხრივი ურთიერთობები განიხილეს და "გამოთქვეს საერთო აზრი, რომ არსებული პრობლემების მიუხედავად მოსკოვმა და ლონდონმა რიგ სფეროებში თანამშრომლობა უნდა დაამყარონ“.
კრემლის ცნობით, მხარეები „საუბრისას განხილულ საკითხებზე აუცილებელი კონტაქტების შენარჩუნებაზე შეთანხმდნენ“.
This is a modal window.
v-if="article.gallery" v-html="article.gallery"
