ნიდერლანდების სააპელაციო სასამართლომ ყირიმის ოქროს არტეფაქტების უკრაინისთვის გადაცემის გადაწყვეტილება მიიღო

ნიდერლანდების სააპელაციო სასამართლოს გადაწყვეტილებით, ყირიმის ოქროს არტეფაქტების უძველესი კოლექცია, რომელზედაც პრეტენზიას აცხადებენ როგორც უკრაინა, ასევე რუსეთის მიერ ანექსირებული ყირიმის მუზეუმები, უკრაინის სახელმწიფოს უნდა დაუბრუნდეს.

ოქროს ნივთები, მათ შორის ოქროს სკვითური ჩაფხუტი და ოქროს ყელსაბამი, ნიდერლანდების ალარდ პირსონის მუზეუმში იყო გამოფენილი, როდესაც რუსეთმა 2014 წელს ყირიმის ანექსია მოახდინა.

რუსეთის მიერ ანექსირებული ყირიმის მუზეუმებმა მოითხოვეს, რომ ოქრო ნახევარკუნძულზე დაბრუნებულიყო, თუმცა, ნიდერლანდების სააპელაციო სასამართლომ გადაწყვიტა, რომ უკრაინის ეროვნული კულტურული ინტერესები აღემატება ყირიმის მუზეუმების ინტერესებს.

„ალარდ პირსონის მუზეუმი აღარ არის ვალდებული დააბრუნოს ნამუშევრები ყირიმის მუზეუმებში. უკრაინის სახელმწიფოს უფლებები, რომელიც ეფუძნება [უკრაინის] მუზეუმების კანონს, უპირატესია“, - ნათქვამია სასამართლოს გადაწყვეტილებაში.

ნიდერლანდების სააპელაციო სასამართლოს გადაწყვეტილებას უკრაინის პრეზიდენტი, ვლადიმირ ზელენსკის გამოეხმაურა.

„ჩვენ ყოველთვის ვიბრუნებთ იმას, რაც ჩვენია, „სკვითური ოქროს“ შემდეგ ყირიმს დავიბრუნებთ“, - წერს ზელენსკი „ტვიტერში“.

2016 წელს ამსტერდამის ქვედა ინსტანციის სასამართლომ პირსონის მუზეუმს ექსპონატების უკრაინის მთავრობისთვის გადაცემა დაავალა, თუმცა ეს გადაწყვეტილება რუსეთმა გაასაჩივრა.

ზურაბ ბატიაშვილი - დასავლეთში მიღებულია გადაწყვეტილება, რომ ამ ომში უკრაინამ უნდა გაიმარჯვოს და ეს 2023 წელს მოხდება
ქართული პრესის მიმოხილვა 26.01.2023
ფარხად მამედოვი - აზერბაიჯან-სომხეთის მოლაპარაკებები შეიძლება შედგეს თბილისში, მაგრამ იმ შემთხვევაში, თუ ძირითადი მოდერატორი ამერიკა იქნება და არა ევროკავშირი
ხელოვნური ინტელექტი და სწავლების მეთოდები - BTU მასშტაბურ კვლევას იწყებს
ქართული ბიზნესკომპანიები უკრაინის მხარდაჭერას განაგრძობენ
Glovo და TNET საქართველოში ახალ ტექნოლოგიურ რეალობას ქმნიან
ხელოვნური ინტელექტის ინოვაციური პროდუქტის ChatGPT-ს შესახებ BTU-ში დისკუსია გაიმართა
Wolt საქართველოს მომხმარებელთა მხარდაჭერის გუნდი მალე გერმანიასაც მოემსახურება
“ლიბერთი” განათლების ხელშეწყობას აგრძელებს
წიგნი, რომელიც ხელოვნური ინტელექტის მიერ დაიწერა BTU-ში წარადგინეს
USA2GEORGIA მომხმარებლის წინაშე სრულ პასუხისმგებლობას იღებს და გამოწვევას უპრეცედენტო ლოიალობით პასუხობს