გერმანიის კანცლერს ანგელა მერკელს თანამდებობაზე ყოფნის ვადა დღეს ოფიციალურად ამოეწურა.

გერმანიის პრეზიდენტმა ფრანკ-ვალტერ შტაინმაიერმა მას თანამდებობიდან გათავისუფლების შესახებ უწყება ბელვიუს რეზიდენციაში ოფიციალურ ცერემონიაზე პირადად გადასცა.

ფრანკ-ვალტერ შტაინმაიერმა მერკელს მთავრობის მეთაურის მოვალეობის შესრულება მისი შემცვლელის არჩევამდე სთხოვა.

შესაბამისად, ანგელა მერკელის მთავრობა გერმანიის მინისტრთა ახალი კაბინეტის არჩევამდე შეასრულებს მოვალეობას.