ადვოკატის განცხადებით, მიხეილ სააკაშვილი არ გამორიცხავს, რომ პროტესტის ფორმები უფრო გაამწვავოს

დღეს ციხის ადმინისტრაციამ დაგვახვედრა „სიურპრიზი“, რითაც მიხეილ სააკაშვილს მოუხსნეს დაცვის შესაძლებლობა და ადვოკატებს მოუხსნეს მისი დაცვის განხორციელების შესაძლებლობა, - ამის შესახებ საქართველოს ყოფილი პრეზიდენტის, მიხეილ სააკაშვილის ადვოკატმა, შოთა თუთბერიძემ განაცხადა.

მისი თქმით, ის ადგილი, რომელსაც ადვოკატები იყენებდნენ, რათა გადაეწოდებინათ წერილები და ამგვარად ეწარმოებინათ დაცული კომუნიკაცია, დღეს ბადით ამოქოლილი დახვდათ.

„ციხის ადმინისტრაციის განცხადებით, ეს ბადე ემსახურება კოვიდისგან დაცვას. ეს არის სამედიცინო აბსურდი, რადგან ბადე არ შეიძლება იყოს ვირუსის შემაკავებელი. ამ ბადეში უბრალოდ წერილს ვერ გაატევ. ეს იყო ერთადერთი დაცული კომუნიკაცია, რადგან ის ოთახი, სადაც შეხვედრები გვაქვს, ისმინება და ჩვენი კომუნიკაციის შემდეგ, მეორე დღეს პრემიერ-მინისტრი განცხადებებს აკეთებს-ხოლმე.

ეს არის სამართლებრივი აბსურდი, რადგან ყველა დაკავებულ ადამიანს აქვს ადვოკატით სარგებლობისა და მასთან კონფიდენციალური ურთიერთობის უფლება. არ შეიძლება ამ კონფიდენციალურობის დარღვევა. სამწუხაროდ, ხელისუფლებამ ძალიან იაფფასიან ხრიკს მიმართა. ეს არის ფაქტი, რომელიც მოხდებოდა ძალიან ცოტა ავტორიტარულ ქვეყანაში. იმედია, ხელისუფლება კეთილგონიერებას გამოიჩენს და საშინელი დარღვევა ძალიან მალე აღმოიფხვრება, რათა ადვოკატებმა შევძლოთ მუშაობის ჯეროვანი გაგრძელება. სხვა შემთხვევაში, კანონის გათვალისწინებულ ყველა გზას მივმართავთ, მათ შორის - საქართველოს მე-3 პრეზიდენტიც არ გამორიცხავს, რომ პროტესტის ფორმები უფრო გაამწვავოს. ადვოკატებიც განვიხილავთ ძალიან ბევრ შესაძლებლობას.

მოვუწოდებთ სახალხო დამცველს, რომ ამ ფაქტთან დაკავშირებით დაიწყოს შესწავლა და გამოკვლეულ იქნას, თუ რამდენად კანონიერი და ლეგიტიმური არის ხელისუფლების ეს ქმედება. ჩვენთვის ცხადია, რომ ეს არის გაგრძელება იმ პოლიტიკური რეპრესიისა, რომელიც მე-3 პრეზიდენტის მიმართ ხორციელდება, გაუმართლებელი ჩარევა მის უფლებებში და უბრალოდ კრუნჩხვა აგონიაში მყოფი ხელისუფლებისა, რომელსაც შედეგი ვერ მოჰყვება, რადგან აუცილებლად გამოინახება გზა იმისათვის, რომ მიხეილ სააკაშვილს ჰქონდეს კომუნიკაცია ადვოკატებთან“, - განაცხადა თუთბერიძემ.

ადვოკატის თქმით, სამომავლოდ არ გამოირიცხება სააკაშვილის მხრიდან პროტესტის ფორმების გამწვავებაც.

„პროტესტის სხვა ფორმებს რაც შეეხება, ამ ეტაპზე დაზუსტებით ვერაფერს გეტყვით, მაგრამ არსებობს ამის საშუალებები. იმედია, საქართველოს მე-3 პრეზიდენტს ამის გაკეთება არ დასჭირდება, მათ შორის, მშრალი შიმშილობაც განიხილება“, - აღნიშნა შოთა თუთბერიძემ.

იხილეთ ვიდეო:ადვოკატის განცხადებთ, მიხეილ სააკაშვილი არ გამორიცხავს, რომ პროტესტის ფორმები უფრო გაამწვავოს

გია ხუხაშვილი - „ოცნებამ“ „ნაცმოძრაობის“ თავმჯდომარედ მისთვის ყველაზე კომფორტული პიროვნება მიიღო, ამიტომ იყო, რომ მმართველი გუნდი ხაბეიშვილს გულშემატკივრობდა
ქართული პრესის მიმოხილვა 30.01.2023
ფარხად მამედოვი - აზერბაიჯან-სომხეთის მოლაპარაკებები შეიძლება შედგეს თბილისში, მაგრამ იმ შემთხვევაში, თუ ძირითადი მოდერატორი ამერიკა იქნება და არა ევროკავშირი
ხელოვნური ინტელექტი და სწავლების მეთოდები - BTU მასშტაბურ კვლევას იწყებს
ქართული ბიზნესკომპანიები უკრაინის მხარდაჭერას განაგრძობენ
Glovo და TNET საქართველოში ახალ ტექნოლოგიურ რეალობას ქმნიან
ხელოვნური ინტელექტის ინოვაციური პროდუქტის ChatGPT-ს შესახებ BTU-ში დისკუსია გაიმართა
Wolt საქართველოს მომხმარებელთა მხარდაჭერის გუნდი მალე გერმანიასაც მოემსახურება
“ლიბერთი” განათლების ხელშეწყობას აგრძელებს
წიგნი, რომელიც ხელოვნური ინტელექტის მიერ დაიწერა BTU-ში წარადგინეს
USA2GEORGIA მომხმარებლის წინაშე სრულ პასუხისმგებლობას იღებს და გამოწვევას უპრეცედენტო ლოიალობით პასუხობს