დაქვეითებული იმუნიტეტის მქონე ადამიანებს ვაქცინის მე-4 დოზის მიღების შესაძლებლობა ექნებათ - ამ ინფორმაციას აშშ-ის დაავადებათა კონტროლისა და პრევენციის ცენტრი ავრცელებს.

მათი თქმით, სააგენტო ნებას რთავს ზომიერი და მძიმე იმუნოდეფიციტის მქონე ადამიანებს, ვირუსისგან დაცვის მიზნით ვაქცინის მე-4 დოზა მიიღონ იმ შემთხვევაში, თუ მე-3 დოზის გაკეთებიდან ექვს თვეზე მეტი გავიდა.

აღსანიშნავია, რომ აშშ-ის დაავადებათა კონტროლისა და პრევენციის ცენტრს მე-4 დოზის მიღების შესახებ ოფიციალური რეკომენდაცია არ გაუციათ, მათი თქმით, ეს თავად პაციენტის ექიმის გადასაწყვეტია.

შეგახსენებთ, დაავადებათა კონტროლისა და პრევენციის ცენტრმა ვაქცინის მე-3 ე.წ. ბუსტერ დოზით ვაქცინაციის რეკომენდაცია აგვისტოში გასცა.