ევროპული სასამართლოს გადაწყვეტილება შანტაჟი და უზურპაციაა, - ამის შესახებ პოლონეთის იუსტიციის მინისტრის მოადგილემ სებასტიან კალეტამ განაცხადა.
„ევროპული კავშირის მართლმსაჯულების სასამართლო მთლიანად უგულებელყოფს და შეურაცხყოფს პოლონეთის კონსტიტუციას და საკონსტიტუციო ტრიბუნალის გადაწყვეტილებებს. ის მოქმედებს საკუთარი კომპეტენციის მიღმა და ბოროტად იყენებს ფინანსური ჯარიმებისა და დროებითი ზომების ინსტიტუტს. ეს არის ჩვენი სახელმწიფოს სისტემაზე პოლონეთის გავლენისგან მოწყვეტის ოპერაციის მორიგი ეტაპი, ეს არის უზურპაცია და შანტაჟი“, - დაწერა მან Twitter-ზე.
ევროპული კავშირის მართლმსაჯულების სასამართლომ პოლონეთს ყოველდღიურად, ჯარიმის სახით, 1 მილიონი ევროს გადახდა დააკისრა. სადამსჯელო ზომა ძალაში მანამდე დარჩება, სანამ ვარშავა არ დათანხმდება შეასრულოს ევროპული კავშირის მართლმსაჯულების სასამართლოს ივლისში გამოქვეყნებული განჩინება, რომელიც უზენაესი სასამართლოს მოსამართლეთა დისციპლინური პალატის უფლებამოსილების დაუყონებლივ შეჩერებას ითვალისწინებს.