თუ ოპოზიციური პარტია 41 ნომერს უჭერს მხარს ან ნეიტრალურია ამ ნომრის მიმართ, ეს ნიშნავს, რომ ის ალიანსშია ხელისუფლებასთან და არ არის რეალურად ოპოზიცია - მეორე ტურში ჩვენ ყველა ოპოზიციურ კანდიდატს ვუჭერთ მხარს მიუხედავად რიგითი ნომრისა,- ამის შესახებ ჟურნალისტებთან „სტრატეგია აღმაშენებლის" წევრმა პაატა მანჯგალაძემ განაცხადა.

მისი თქმით, ცვლილებებისთვის ბრძოლის მთავარი ხაზი 30 ოქტომბერზე გადის.

„მართალია ჩვენ არ ვმონაწილეობთ „ჩრდილოვან კაბინეტში“ და თანამდებობების გადანაწილებაში, მაგრამ ეს არ ნიშნავს, რომ „სტრატეგია აღმაშენებელი" გამოეთიშა ბრძოლის მთავარ ხაზს, რომელიც გადის 30 ოქტომბერზე ნამდვილად. ჩვენ მოვუწოდებთ ჩვენს მხარდამჭერებს, ჩვენი კომისიის წევრებს ყველამ მოიხადონ ვალი ქვეყნის წინაშე. არცერთი ხმა 41- ს, ჩვენ ერთგული ვართ ამ დაპირების, მხარს ვუჭერთ ოპოზიციურ კანდიდატებს, მიუხედავად ჩვენი საარჩევნო რიგითი ნომრისა. „ქართულ ოცნებას" ვნახეთ, რომ დიდი ადმინისტრაციული რესურსი, "შავი ფულით" მოსყიდული ადამიანების რაოდენობა გააჩნია და ამას სჭირდება ორგანიზებულობა და მობილიზებულობა, რომ ვაჯობოთ ამას. ჩვენ საზოგადოებას დავპირდით ცვლილებას, რაც ნიშნავს ყველა შემთხვევაში ოპოზიციისთვის მხარდაჭერას,"- განაცხადა მანჯგალაძემ.