დღეს კიდევ ერთი ისტორიული საწარმო გაიხსნა "დელტაში", რომელიც ნატო-ს სტანდარტის შაშხანებს დაამზადებს, - ამის შესახებ თავდაცვის მინისტრმა ჯუანშერ ბურჭულაძემ ქართულ-ებრაული საწარმო „დელტა სიეიეის“ გაიხსნაზე განაცხადა.

როგორც მინისტრმა განმარტა, ადგილზე ნატო-ს სტანდარტის ავტომატურ ცეცხლსასროლ იარაღს აწარმოებენ.

„ეს არის ნატო-ს სტანდარტით ყველაზე მიღებული შაშხანა, რომელიც იწარმოება საქართველოში, ჩვენ მიერ დაფუძნებულ საწარმოში, ისრაელის კომპანიასთან ერთად, რომელიც ფლობს რამდენიმე ნაწარმის ექსკლუზივს მსოფლიო მასშტაბით, ჩვენ დღეს დავიწყეთ აღნიშნულის წარმოება საქართველოში.

ეს არის კიდევ ერთი პროექტი, რომელიც „დელტაში“ წარმატებით განხორციელდა, თქვენ იხილეთ ჩვენ მიერ გარემონტებული "სუ25"-ები, თქვენ მალე იხილავთ ჩვენ მიერ გარემონტებულ ვერტმფრენს, რომელიც მალე შევა ექსპლუატაციაში. დღეს კიდევ ერთი ისტორიული საწარმო გაიხსნა „დელტაში“, რომელიც დაამზადებს ნატო-ს სტანდარის ტიპის შაშხანებს, ასევე მნიშვნელოვანი პროექტია, რომელიც დღეს დაპროექტდა და სატესტო რეჟიმში გამოვიტანეთ, 81 და 60-კალიბრიანი ნაღმსტყორცნები, ეს ასევე არის ნატო-ს ახალი სტანდარტი, რომელზეც გადავა ჩვენი შეიარაღებული ძალები",- განაცხადა ბურჭულაძემ.