აზერბაიჯანში კორონავირუსის საწინააღმდეგო მესამე ე.წ. ბუსტერ დოზის შემდეგ, მოქალაქის ჯანმრთელობის მდგომარეობიდან გამომდინარე, ექიმის რეკომენდაციით, შესაძლებელია, ვაქცინის მეოთხე დოზის გაკეთებაც. ამის შესახებ ადგილობრივი მედია იუწყება.
ამ დროისთვის, ქვეყანაში რევაქცინაცია შესაძლებელია ვაქცინის ორი დოზის გაკეთებიდან ექვსი თვის შემდეგ.
როდესაც მოქალაქეები რეგისტრირდებიან მესამე დოზის მისაღებად, ისინი ავტომატურად რეგისტრირდებიან მეოთხე დოზაზეც.
2020 წლის თებერვლის ბოლოდან აზერბაიჯანში გამოვლენილია კორონავირუსით დაინფიცირების 522 368 შემთხვევა, 6966 ადამიანი გარდაიცვალა.