საფრანგეთის ელჩი გაერთიანებული სამეფოს საგარეო უწყებაში დაიბარეს

გაერთიანებული სამეფოს მთავრობაში აცხადებენ, რომ “ბრექსიტის“ შემდგომ მეთევზეობის საკითხთან დაკავშირებით საფრანგეთის ქმედებების გასაპროტესტებლად ქვეყნის ელჩი საგარეო უწყებაში დაიბარეს.

„მე დავავალე მინისტრს ევროპასთან ურთიერთობების საკითხებში, ვენდი მორტონს, რომ მოლაპარაკებისთვის გამოიძახოს საფრანგეთის ელჩი დიდ ბრიტანეთში, რათა განმარტება გააკეთოს გაერთიანებული სამეფოსა და არხის კუნძულების წინააღმდეგ იმედგამაცრუებელი და არაპროპორციული მუქარის შესახებ“, - განაცხადა საგარეო საქმეთა მინისტრმა ლიზ ტრუსმა.

პარიზმა ლონდონი „ბრექსიტის“ შეთანხმების დარღვევაში დაადანაშაულა და დაიმუქრა, რომ მომავალი კვირიდან საპასუხო ნაბიჯებს გადადგამს, მას შემდეგ რაც ფრანგი მეთევზეების ნაწილს ბრიტანეთის წყლებში საქმიანობის ნებართვა არ მისცეს. საფრანგეთი აცხადებს, რომ მეთევზეების დაახლოებით ნახევარს მოთხოვნილი ლიცენზიები არ მიუღია. საფრანგეთის მთავრობაში განაცხადეს, რომ საფრანგეთში შესულ ბრიტანულ საქონელზე 2 ნოემბრიდან დამატებითი საბაჟო შემოწმება დაწესდება. ამასთან, ისინი არ გამორიცხავენ, რომ ელექტროენერგიის ბრიტანეთში ექსპორტის საკითხსაც გადახედონ. გაერთიანებული სამეფოს მთავრობის შეფასებით, საფრანგეთის მუქარა არაპროპორციულია, რითაც იმედგაცრუებულია.

„ბრექსიტის“ შეთანხმების თანახმად, დიდი ბრიტანეთის ევროკავშირიდან გასვლის შემდეგ ფრანგ მეთევზეებს უნდა ჰქონოდათ ბრიტანეთის ტერიტორიულ წყლებში საქმიანობის გაგრძელების შესაძლებლობა, თუ ისინი ლონდონისგან ლიცენზიას მიიღებდნენ.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს