რუსეთის, უკრაინისა და ევრაზიის საკითხებში თავდაცვის მდივნის თანაშემწის მოადგილე, ლორა კუპერი, თვლის, რომ ვაშინგტონის ყველა მოკავშირემ კიევისთვის თავდაცვის სისტემების მიწოდებაზე დაწესებული შეზღუდვები უნდა გააუქმოს . მან ამის შესახებ ვირტუალურ ღონისძიებაზე ისაუბრა, რომელსაც ვაშინგტონში სტრატეგიული და საერთაშორისო კვლევების ცენტრი მასპინძლობდა.

„უპირველეს ყოვლისა, მსურს, რომ ყველა მოკავშირემ გააუქმოს შეზღუდვები კიევისთვის თავდაცვითი დახმარების მიწოდებაზე“, - განაცხადა კუპერმა. მისი თქმით, ადრე შეერთებულმა შტატებმა უკრაინა ამერიკული Javelin ტანკსაწინააღმდეგო სარაკეტო სისტემებით უზრუნველყო.

„მე ვთვლი, რომ უკრაინას უნდა ჰქონდეს შესაძლებლობა, შეიძინოს ის საშუალებები, რომლებიც მას საკუთარი თავის დასაცავად სჭირდება,“ - განაცხადა პენტაგონის სპიკერმა, ”ამიტომ, მსურს, რომ ეს შეზღუდვები მოიხსნას.”

თვის დასაწყისში რუსეთის საგარეო საქმეთა სამინისტროს სპიკერმა მარია ზახაროვამ განაცხადა, რომ აშშ-ის თავდაცვის მდივნის ლოიდ ოსტინის მიერ კიევის რევანშისტული განწყობის წახალისება დონბასში დაძაბულობას აძლიერებს.