„ენერგო-პრო ჯორჯიას“ ინფორმაციით, არჩევნების მეორე ტურს კვლავ მობილიზებული ხვდებიან

საქართველოს თვითმმართველობის არჩევნების მეორე ტურის დღეს, სს „ენერგო-პრო ჯორჯია“ კვლავ მობილიზებული შეხვდება, - ამის შესახებ ნათქვამია „ენერგო-პრო ჯორჯიას“ განცხადებაში.

კომპანიის ინფორმაციით, ყველა იმ რაიონში, სადაც არჩევნები ტარდება, კომპანიის მიერ სპეციალურად დანიშნული მორიგე ჯგუფები სრულ მზადყოფნაში იქნებიან განლაგებულები, ასევე, მობილიზებული იქნება სპეციალური ტექნიკაც.

მათივე ინფორმაციით, გამოყოფილია სპეციალური ნომერი 577 35 51 51, სადაც ყველა შტაბს შეუძლია დაკავშირება და ობიექტური ინფორმაციის მიღება.

„სამწუხაროა, რომ 3600 უბნიდან 3-4 უბნებზე ელექტროენერგიის ავარიული წყევტის შემთხვევა, ფასდება ორგანიზებულ მოქმედებად, რასაც კომპანია კატეგორიულად გამორიცხავს. ,,ენერგო–პრო ჯორჯიას” სადისტრიბუციო ქსელი 55 000 კილომეტრს აღემატება და ამ მასშტაბის და სირთულის ინფრასტრუქტურის ოპერირებაში, ავარიული გათიშვების გამორიცხვა თეორიულადაც შეუძლებელია. კომპანიის მიზანია ასეთ შემთხვევებზე ოპერატიული რეაგირება“, - აღნიშნავენ ,,ენერგო-პრო ჯორჯიაში“.

„ასევე აღსანიშნავია, რომ არაერთ შემთხვევაში ადგილი აქვს საარჩევნო უბნის შიდა ქსელის დაზიანების გამო ელექტროენერგიის წყვეტას. აღნიშნული არ წარმოადგენს კომპანიის პასუხისმგებლობას, თუმცა როგორც წინა, ასევე მომავალი არჩევნების დროს კომპანია, საკუთარი შესაძლებლობების ფარგლებში, მოახდენს მაქსიმალური დახმარების გაწევას.

კომპანიის პასუხისმგებელი პირებს, მჭიდრო კავშირი აქვთ ცენტრალურ საარჩევნო კომისიასთან. სს „ენერგო-პრო ჯორჯია“-ს მთავარი დისპეჩერი იქნება პირდაპირ კავშირზე ცენტრალური საარჩევნო კომისიის წარმომადგენლებლთან.

თუ უამინიდობის ან სხვა გაუთვალისწინებელი შემთხვევის გამო, რომელიმე უბანზე მოხდება ელექტროენერგიის ავარიული შეზღუდვა, კომპანიის ტექნიკური სამსახური მოახდენს სწრაფ და ოპერატიულ რეაგირებას, რათა არ შეფერხდეს საარჩევნო პროცესი”, - ნათქვამია განცხადებაში.

პაატა ზაქარეიშვილი - ხელისუფლება თავისი პოლიტიკით საქართველოსა და კავკასიაში  რუსეთის პოზიციებს აძლიერებს
ქართული პრესის მიმოხილვა 02.02.2023
ლევან  შენგელია - საქართველოს შემთხვევაში „სუვერენული დემოკრატია“ საგარეო-პოლიტიკური ორიენტაციის ხასიათსაც ატარებს და ის აშკარად არ არის დასავლეთისკენ მიმართული
Apple-ისთვის პროგრამული ენის შესასწავლად BTU IOS LAB-ში საბავშვო კოდინგის კურსი დასრულდა
ბორუსან კატმა კოლეჯ „სპექტრში“ სასწავლო ცენტრი გახსნა
კახა ოქრიაშვილი NDI-ის კვლევაზე - მოსახლეობის ნახევარი უმუშევარია - აი, ეს არის სიმართლე
ლიბერთი განათლებისთვის - ლიბერთი 2023 წლის ათასწლეულის ინოვაციის კონკურსის ოფიციალური პარტნიორია