უკრაინაში, ბოლო 24 საათში, კორონავირუსით ინფიცირების 26 870 შემთხვევა გამოვლინდა, რაც რეკორდული რაოდენობაა ქვეყნისთვის, - ინფორმაციას უკრაინული მედია ავრცელებს.

ამასთან, გასული დღე-ღამის განმავლობაში ქვეყანაში კოვიდ 19-ს კიდევ 648 ადამიანი ემსხვერპლა.

პანდემიის დაწყებიდან დღემდე, უკრაინაში კოვიდ-19-ით 2 878 674 ადამიანი დაინფიცირდა, აქედან 66 852 დაიღუპა, 2 421 495 კი გამოჯანმრთელდა.

გამოცემა Bloomberg-ის ინფორმაციით, უკრაინაში სრულად ვაქცინირებულია მოსახლეობის 17.3 %.