ნიგერიის არმიის ინფორმაციით, მათ ჩაატარეს სპეცოპერაცია, რომლის დროსაც ე.წ. „ისლამური სახელმწიფოს დასავლეთ აფრიკის პროვინციის“ ახალი ლიდერის, მალამ ბაკოს ლიკვიდირება განახორციელეს.

„ისლამური სახელმწიფოს დასავლეთ აფრიკის პროვინცია“ დაჯგუფება „ბოკო ჰარამის“ განშტოებაა, რომელიც ათ წელზე მეტია იბრძვის ნიგერიის შეიარაღებული ძალების წინააღმდეგ. მოგვიანებით აღნიშნული ორი შეიარაღებული დაჯგუფება ერთმანეთს დაუპირისპირდა.

გაერო-ს განცხადებით, კონფლიქტმა, რომელიც მეზობელ ჩადსა და კამერუნშიც გავრცელდა, დაახლოებით 300 000 ადამიანი იმსხვერპლა.