აშშ-ის პრეზიდენტი ჯო ბაიდენი და მისი მეუღლე ჯილ ბაიდენი ვატიკანში რომის პაპს შეხვდნენ.

მედიის ინფორმაციით, მათი შეხვედრა ერთი საათი გაგრძელდა. პაპმა ფრანცისკემ და ჯო ბაიდენმა რამდენიმე თემაზე ისაუბრეს, მათ შორის იყო აბორტის ლეგალიზების საკითხი და კლიმატის ცვლილებით გამოწვეული პრობლემები.

ჯო ბაიდენმა პაპს მსოფლიოს მასშტაბით ღარიბებისა და კონფლიქტით დაზარალებული ადამიანების გვერდში დგომისათვის მადლობა გადაუხადა.

შეგახსენებთ, ჯო ბაიდენი იტალიაში დღეს ჩავიდა. აშშ-ის პრეზიდენტი დიდი ოცეულის სამიტს უნდა დაესწროს.