აზერბაიჯანში სპეციალური საკარანტინო რეჟიმი 1-ელ იანვრამდე გახანგრძლივდა, - ინფორმაციას ადგილობრივი მედია ავრცელებს.
მათივე ინფორმაციით, შესაბამის გადაწყვეტილებას ხელი პრემიერ-მინისტრმა ალი ასადოვმა უკვე მოაწერა.
დადგენილების თანახმად, ქვეყანაში კორონავირუსის გავრცელებისა და მისი შესაძლო შედეგების პრევენციის მიზნით, აზერბაიჯანის რესპუბლიკის ტერიტორიაზე სპეციალური საკარანტინო რეჟიმი 2022 წლის 1 -ელი იანვრის 06:00 საათამდე გახანგრძლივდა.
აზერბაიჯანში, პანდემიის დაწყების დროიდან, კორონავირუსით ინფიცირების 524 788 შემთხვევაა დადასტურებული, აქედან 489 032 პაციენტი გამოჯანმრთელდა, 6 995 კი - გარდაიცვალა.