ხატია დეკანოიძე - სასაცილოდ გადაიქცა ეს ყველაფერი, უკვე მეშვიდე საქმეა, როცა სახელმწიფო გადატრიალების მუხლით დაიწყეს გამოძიება და ვერც ერთხელ ბოლომდე ვერ მიიყვანეს

სასაცილოდ გადაიქცა ეს ყველაფერი, უკვე მეშვიდე საქმეა, როდესაც სახელმწიფო გადატრიალების მუხლით დაიწყეს გამოძიება და ვერც ერთხელ ბოლომდე ვერ მიიყვანეს, - ასე აფასებს „ნაციონალური მოძრაობის” ერთ-ერთი ლიდერი, ქუთაისის მერობის კანდიდატი ხატია დეკანოიძე ინფორმაციას, რომ სუს-ი სახელმწიფოს დამხობის მიზნით შეთქმულების ფაქტზე გამოძიებას აწარმოებს.

როგორც დეკანოიძემ „ინტერპრესნიუსთან” საუბრისას განმარტა, არავითარი გადატრიალების მცდელობა არ არსებობს.

„ეს არის „ქართული ოცნების” პროპაგანდა და რიტორიკა, როგორიც ახასიათებს დიქტატორულ რეჟიმებს. სახელმწიფო გადატრიალებას თხზავენ თავისთვის, თვითონვე აღძრავენ საქმეს და შემდეგ ხურავენ. სამწუხაროა, რომ ასე ფიქრობენ სახელმწიფოს მართვას”, - აღნიშნა ხატია დეკანოიძემ.

ის ასევე გამოეხმაურა ირაკლი კობახიძის განცხადებას, რომლის თქმით, მიხეილ სააკაშვილის შიმშილობა იმიტირებულია და "დღეში 3 ლიტრ ლიმონათს სვამს”. დეკანოიძის განცხადებით, გაუგებარია როგორ შეიძლება პარლამენტის წევრს პენიტენციური დაწესებულებიდან რაიმე სახის ინფორმაცია ჰქონდეს.

"როგორ შეიძლება პარლამენტის წევრს ჰქონდეს რაიმე სახის ინფორმაცია პენიტენციური დაწესებულებიდან, სამწუხაროა, რომ ისევ ზიზღს აფრქვევენ და ასე არასახელმწიფოებრივად უყურებენ ამ ყველაფერს”, - აღნიშნა ხატია დეკანოიძემ.

უწყების ინფორმაციით, გამოძიების ფარგლებში მოპოვებული მტკიცებულებების თანახმად დგინდება, რომ საქმის ფიგურანტები გეგმავენ გარკვეულ დესტრუქციულ ქმედებებს. კერძოდ, მსჯავრდებულ მიხეილ სააკაშვილის ჯანმრთელობის მდგომარეობის გაუარესების შემთხვევაში, მისი გლდანის N8 სასჯელაღსრულების დაწესებულებაში ეტაპირებისათვის ხელის შეშლის მიზნით, აღნიშნული სასჯელაღსრულების დაწესებულებასთან მისასვლელი საავტომობილო გზების სხვადასხვა საშუალებით ბლოკირებას.

პაატა ზაქარეიშვილი - ხელისუფლება თავისი პოლიტიკით საქართველოსა და კავკასიაში  რუსეთის პოზიციებს აძლიერებს
ქართული პრესის მიმოხილვა 02.02.2023
ლევან  შენგელია - საქართველოს შემთხვევაში „სუვერენული დემოკრატია“ საგარეო-პოლიტიკური ორიენტაციის ხასიათსაც ატარებს და ის აშკარად არ არის დასავლეთისკენ მიმართული
Apple-ისთვის პროგრამული ენის შესასწავლად BTU IOS LAB-ში საბავშვო კოდინგის კურსი დასრულდა
ბორუსან კატმა კოლეჯ „სპექტრში“ სასწავლო ცენტრი გახსნა
კახა ოქრიაშვილი NDI-ის კვლევაზე - მოსახლეობის ნახევარი უმუშევარია - აი, ეს არის სიმართლე
ლიბერთი განათლებისთვის - ლიბერთი 2023 წლის ათასწლეულის ინოვაციის კონკურსის ოფიციალური პარტნიორია