ხალხს აღარ უნდა ცხოვრების ამგვარად გაგრძელება და მათი ხმა იქნება გადამწყვეტი. დარჩენილ დროში ყველა უნდა მივიდეს არჩევნებზე და ხმა მისცეს ოპოზიციას, ეს იქნება ცვლილებების დასაწყისი, რომელიც ყველას გვინდა საქართველოში, - ამის შესახებ „ევროპული საქართველოს” პოლიტსაბჭოს თავმჯდომარე გიგი წერეთელმა ქუთაისში, "ნაციონალური მოძრაობის” მერობის კანდიდატის ხატია დეკანოიძის ოფისთან განაცხადა.
გიგი წერეთლის თქმით, მათი პარტია არჩევნების მსვლელობას ოცივე მუნიციპალიტეტში აკვირდება.
„ჩვენ ვაკვირდებით არჩევნებს ყველა ქალაქში, სადაც არის მეორე ტური. მნიშვნელოვანია როგორ დასრულდება დღევანდელი დღე, ბევრი ინფორმაციაა დარღვევებზე და განსაკუთრებით სახასიათოა მოსყიდვა, ასევე ამომრჩევლებზე ზეწოლა, პირადობის დამადასტურებელი მოწმობის ჩამორთმევა და სხვა. ვფიქრობთ, ხელისუფლებას ეს არის უშველის, ვინაიდან საქართველოში ხალხს აღარ უნდა ცხოვრების ამგვარად გაგრძელება და ხალხის ხმა იქნება გადამწყვეტი. დარჩენილ დროში ყველა უნდა მივიდეს არჩევნებზე და ხმა მისცეს ოპოზიციას, ეს იქნება ცვლილებების დასაწყისი, რომელიც ყველას გვინდა საქართველოში”, - აღნიშნა გიგი წერეთელმა.