მსოფლიოს 20 უმსხვილესი ეკონომიკის ლიდერებმა მხარი დაუჭირეს მინიმალური გლობალური კორპორაციული გადასახადის შესახებ შეთანხმებას, რომელიც მსხვილი ბიზნესების გადასახადებისგან თავის არიდების აღმოფხვრას ისახავს მიზნად. ამის შესახებ ინფორმაციას Reuters ავრცელებს.
მინიმალური კორპორაციული გადასახადის გარიგება კოორდინაციული შეთანხმებაა, რომლის მიხედვითაც 2023 წლიდან მსხვილ კორპორაციებს მინიმალური 15%-იანი გადასახადი ემუქრებათ. შედეგად მსხვილი ბიზნესები ოფშორულ დაწესებულებებში მოგების დამალვასა და გადასახადებიდან თავის არიდებას ვეღარ შეძლებენ.
სამიტზე წამყვანმა ქვეყნებმა ასევე ღარიბ ქვეყნებში ვაქცინების განაწილების თემაზეც ისაუბრეს.
G20-ის ლიდერებმა მხარი დაუჭირეს მოწოდებებს გაღატაკებული ქვეყნებისთვის ვალების გადახდის პერიოდის გახანგრძლივების შესახებ და პირობა დადეს, რომ 2022 წლის შუა რიცხვებისთვის მსოფლიოს მოსახლეობის 70%-ს COVID-19-ის საწინააღმდეგო ვაქცინაცია უკვე გაკეთებული ექნება.