ავსტრალია, პანდემიის დაწყებიდან პირველად, საზღვრებს ხსნის

ავსტრალიამ საერთაშორისო მოგზაურობაზე 18 თვის წინ დაწესებული შეზღუდვები შეამსუბუქა, რაც სრულად ვაქცინირებულ მოქალაქეებს საზღვარგარეთ გამგზავრების ან ქვეყანაში დაბრუნების საშუალებას აძლევს.

კერძოდ, ვაქცინირებულ ავსტრალიელებს, რომლებსაც კორონავირუსზე ჩატარებული ტესტის უარყოფითი პასუხი აქვთ, შეუძლიათ იმოგზაურონ სპეციალური ნებართვის ან კარანტინის გავლის გარეშე. თუმცა, ჯერჯერობით იგივე უფლებებით უცხო ქვეყნების მოქალაქეები ვერ ისარგებლებენ.

გავრცელებული ინფორმაციით, ავსტრალიის დატოვებისა საშუალება მილიონზე მეტ უცხოელს არ ეძლევა. პირველი რეისები სიდნეიში სინგაპურიდან და ლოს-ანჯელესიდან შესრულდა. მედია საშუალებები ავრცელებენ კადრებს, სადაც თვეების განმავლობაში ერთმანეთისგან დაშორებული ოჯახის წევრების ემოციური შეხვედრებია ასახული.

აღსანიშნავია, რომ შეზღუდვები, ჯერჯერობით, მხოლოდ ქვეყნის ორი უმსხვილესი ქალაქისთვის, სიდნეისა და მელბურნისთვის, შემსუბუქდა. ავსტრალიის საგარეო საქმეთა სამინისტროს ცნობით, საზღვარგარეთიდან სამშობლოში დაბრუნება 47 000-მდე ავსტრალიელს სურს.პრემიერ-მინისტრმა სკოტ მორისონმა განაცხადა, რომ დღევანდელ დღე „დიდი დღეა ავსტრალიისთვის.“

იოსებ ბარათაშვილი - მოვლენები მიმდინარეობს არა ხელისუფლების, არამედ მიხეილ სააკაშვილის სცენარით
ქართული პრესის მიმოხილვა 29.11.2021
მარინა კალიურანდი - დიახ, არჩევნებით საქართველომ დემოკრატიის ტესტი ჩააბარა, გადააბიჯა დემოკრატიულობის ზღურბლს, მაგრამ არის კითხვა, რამდენად გსურთ მხოლოდ ზღურბლს გადააბიჯოთ
„კარფურისა“ და „FinExCoop“ მიერ ორგანიზებული „კარტოფილის ფესტივალი“ - ადგილობრივი ფერმერების მხარდასაჭერად
განსაკუთრებული ტექ-ინვესტორი საქართველოში - GAABU-ს ახალი წევრი და ტექნოლოგია, რომელიც ცვლის ტელეკომუნიკაციის სამყაროს მომავალს