ბრაზილიაში, ალტინოპოლისის მუნიციპალიტეტში წვრთნების დროს 9 მეხანძრე დაიღუპა, - ინფორმაციას „დოიჩე ველე“ ავრცელებს.
გამოცემის ცნობით, უბედური შემთხვევა მაშინ მოხდა, როდესაც სწავლების დროს დუას ბოკასის გამოქვაბულის ნაწილი ჩამოიშალა.
წვრთნებში 27 მეხანძრე მონაწილეობდა. ჯერჯერობით ვრცელდება ინფორმაცია 5 გადარჩენილის შესახებ.
სამაშველო ოპერაცია, რომელშიც ათობით მაშველი და მეხანძრე მონაწილეობს, კვირას დაიწყო, თუმცა უამინდობის გამო შეფერხდა და დღეს ისევ გაგრძელდა.