წალენჯიხის არჩეული მერი - წალენჯიხიდან დაწყებული ცვლილებები ერთხელ უკვე გახდა გამარჯვებისა და ცვლილების მომტანი მთელ ქვეყანაში

წალენჯიხიდან დაწყებული ცვლილებები ერთხელ უკვე გახდა გამარჯვებისა და ცვლილების მომტანი მთელ ქვეყანაში, "ვარდების რევოლუციის" პერიოდს ვგულისხმობ, - ამის შესახებ "პალიტრანიუსის“ გადაცემა „ნიუსრუმის“ ეთერში წალენჯიხის არჩეულმა მერმა, „ნაციონალური მოძრაობის“ წევრმა გია ხარჩილავამ განაცხადა.

როგორც მან აღნიშნა, წალენჯიხა ხელისუფლებისთვის ერთ-ერთი იდეოლოგიური ფრონტი ყოველთვის იყო.

„თავისი დანიშნულებით და ისტორიული კვანძებით, წალენჯიხა გაუტოლდა საქართველოს დიდ ქალაქებს, როგორც იდეური ფრონტის ხაზი. აქაური ხალხი ყოველთვის გამოირჩეოდა სამართლიანი განწყობებით. ჩემი გამარჯვების შემთხვევაში იმუშავა რამდენიმე ფაქტორმა, ესენია - განწყობები, ცვლილებების სურვილი, ავანგარდში მყოფი ისტორიული გამოძახილი და მთელი კოალიციური გუნდი. აქვე იმუშავა იმ ფაქტორმაც, რომ ამ ქალაქში გაზრდილი ვარ. სამოქალაქო ომის პერიოდში ფაქტობრივად ვპატრულირებდი ამ ქალაქში. ყველა ოჯახთან საკუთარი ურთიერთობა მაქვს და პირველ ტურში გამაოგნებელი ამბები ხდებოდა აქ. "ოცნებას" რომ ეგონა, მათ მიერ დამუშავებული ელექტორატის რიგებშიც პერსონალური სიმპათიები იყო, რადგან 200-ზე მეტი მოსწავლე მყავს ამ ქალაქში გაზრდილი და მთელი ცხოვრება ამ ქალაქის კეთილდღეობისთვის და საქართველოს თავისუფლებისთვის ბრძოლაში გავატარე“, - განაცხადა ხარჩილავამ.

როგორც მან აღნიშნა, არჩევნები უსამართლო პირობებში მიმდინარეობდა.

„აქ ბრძოლა იყო, ეს არ იყო არჩევნები თავისი კლასიკური გაგებით. ცივილიზებულ არჩევნებში დაახლოებით 65-35-ზე არის ნამდვილი მაჩვენებელი. ამ მაჩვენებელს ჩაურთეს რეპრესიული მექანიზმები, მოსყიდვა, მუქარა, შანტაჟი, ნარკოტიკები და მაინც ვერ გადაძალეს. ჩვენ ახლაც მობილიზებული ვართ მთელი ადამიანური, ინტელექტუალური და იურიდიული რესურსით, რათა ეს გამარჯვება არამხოლოდ მერისთვის, არამედ საკრებულოს დონეზეც ბოლომდე მივიყვანოთ“, - განაცხადა გია ხარჩილავამ.

იხილეთ ვიდეო: წალენჯიხიდან დაწყებული ცვლილებები ერთხელ უკვე გახდა გამარჯვებისა და ცვლილების მომტანი მთელ ქვეყანაში - წალენჯიხის არჩეული მერი

ხათუნა ბურკაძე - კრემლის აგრესიული პოლიტიკის ფონზე აუცილებელია აშშ-საქართველოს სტრატეგიული პარტნიორობის ქარტიის განახლება
ქართული პრესის მიმოხილვა 06.12.2021
პაატა დავითაია - საკონსტიტუციო ცვლილებებთან დაკავშირებით „ქართული ოცნების“ და „ნაციონალური მოძრაობის“ ინტერესები ემთხვევა - ბარიერის დაწევა აუცილებელია ქართული დემოკრატიის განვითარებისთვის
Colliers MMS გაფართოებული საინვესტიციო პორტფელი და ახალი შეთავაზება სამშენებლო სექტორს
სამშენებლო კომპანია „მეგა ჰოლდინგი“ მეგა საახალწლო აქციას აანონსებს: ყველა ბინა საჩუქრით
შეიძინე ბინა წინასწარი შენატანის გარეშე - შეთავაზება „ტერასა გლდანი გრინ თაუერისგან“