ნიკა გუჯეჯიანის სახელობის სტიპენდიის ახალი გამარჯვებული 26 წლის ლიკა კეშელავაა

ნიკა გუჯეჯიანის სახელობის ახალი სტიპენდიანტი 26 წლის ლიკა კეშელავა გახდა. აღნიშნულ ინფორმაციას „საქართველოს ბანკი“ ავრცელებს. გამარჯვებული 2022 წლის გაზაფხულის სემესტრიდან ბერლინში, „Miami Ad School Europe“-ში „Art Direction“-ის 2 წლიან პორტფოლიო პროგრამაზე ისწავლის.

სტიპენდიის მფლობელი სპეციალურმა ჟიურიმ გამოავლინა, რომლის შემადგენლობაშიც შედიოდნენ „საქართველოს ბანკისა“ და „Miami Ad School Europe“-ის წარმომადგენლები. ჟიურიმ გამარჯვებული კონკურსში მონაწილე 35 კანდიდატს შორის შეარჩია.

„საქართველოს ბანკის უცვლელი პრიორიტეტი განათლების მხარდაჭერაა ამ შემთხვევაში კი, კრეატიული ინდუსტრიის. სწორედ ამ მიზნით და Miami Ad School Europe-ის და საქართველოს ბანკის გადაწყვეტილებით, 2019 წელს ნიკა გუჯეჯიანის სახელობის სტიპენდია დაარსდა. ნიკა 2014-2016 წლებში თავად სწავლობდა Miami Ad School Europe-ში Art Direction-ის მიმართულებით. გვინდოდა ნიკას სურვილი აგვესრულებინა და მეტ ქართველს ჰქონოდა შესაძლებლობა ესწავლა MASE-ში. შედეგად, ლიკა უკვე მეორე სტიპენდიანტია, რომელიც ბერლინის Miami Ad School Europe-ში საქართველოს ბანკისა და MASE-ის მიერ დაწესებული ნიკა გუჯეჯიანის სახელობის სტიპენდიით ისწავლის. ვულოცავთ გამარჯვებულს და ვუსურვებთ წარმატებას“,- აცხადებენ „საქართველოს ბანკში”.

ცნობისთვის, „Miami Ad School“ ციფრული მარკეტინგის, სტრატეგიული იდეების, კოპირაიტინგის, გრაფიკული დიზაინის, ფოტოხელოვნებისა თუ ინოვაციების მიმართულებით ერთ-ერთი ყველაზე ცნობილი და წარმატებული სკოლაა მსოფლიოში. ის აერთიანებს 15 სარეკლამო სკოლის გლობალურ ქსელს 10 ქვეყანაში და წარმოდგენილია ამერიკის შეერთებული შტატების, სამხრეთ ამერიკისა და ევროპის მასშტაბით.

სტიპენდიის მოსაპოვებლად კონკურსანტებს უნდა ჩაებარებინათ MASE-ში სამი მიმართულებიდან ერთ-ერთზე: Art Direction, Copywriting, Creative Technology.

მარინა კალიურანდი - დიახ, არჩევნებით საქართველომ დემოკრატიის ტესტი ჩააბარა, გადააბიჯა დემოკრატიულობის ზღურბლს, მაგრამ არის კითხვა, რამდენად გსურთ მხოლოდ ზღურბლს გადააბიჯოთ
ქართული პრესის მიმოხილვა 26.11.2021
ალექსანდრე თვალჭრელიძე - ხელისუფლებისადმი ნდობა დამოკიდებულია არა იმაზე, თუ რა პროგრამებს აანონსებს, არამედ იმაზე, თუ როგორ ასრულებს გაცემულ დაპირებებს
ბიძინა ლებანიძე - საქართველომ და უკრაინამ გერმანიასთან მიმართებაში ფუჭი მოლოდინი არ უნდა შეიქმნას, გერმანია სამხედრო თვალსაზრისით არ ჩაერთვება არც ერთ სამეზობლო კონფლიქტში
განსაკუთრებული ტექ-ინვესტორი საქართველოში - GAABU-ს ახალი წევრი და ტექნოლოგია, რომელიც ცვლის ტელეკომუნიკაციის სამყაროს მომავალს
სილქფესტი ფასდაკლების დღეებს უერთდება - გაეცანით სილქნეტის მთავარ შეთავაზებებს
ზეთისხილის საერთაშორისო საბჭოს 114-ე სესია, რომელიც საქართველოში მიმდინარეობდა, დასრულდა
პროგრამა ბალანსი ბიზნესისთვის - როგორია ფინანსების აღრიცხვისა და ავტომატიზაციის თანამედროვე სტანდარტი?
XXI საუკუნის ხელნაწერ „ვეფხისტყაოსანზე“ 18-წლიანი მუშაობა დასრულდა - რა უნდა იცოდეთ ახალ, უნიკალურ გამოცემაზე
საინფორმაციო პორტალი 08.GE - ყველა კითხვაზე პასუხი ერთ სივრცეში
საქართველო ზეთისხილის საერთაშორისო დღეს უმასპინძლებს, რომელიც იუნესკოს ეგიდით ტარდება