ინდონეზიამ ჩინური კომპანია “სინოვაკის“ ვაქცინის 6-11 წლის ბავშვებში გამოყენების ნებართვა გასცა, - ინფორმაციას Reuters-ი ავრცელებს.
„სასიამოვნო სიახლე. დარწმუნებულები ვართ, რომ ბავშვების ვაქცინაცია გადაუდებელი საკითხია, განსაკუთრებით ახლა, როდესაც საკლასო ოთახებში სწავლა დაიწყო,“- განაცხადა ინდონეზიის საკვებისა და მედიკამენტების ეროვნული სააგენტოს ხელმძღვანელმა პენი ლუკიტომ.
ცნობისთვის, დღემდე ინდონეზიაში “სინოვაკის“ ვაქცინით 12 წლისა და უფროსი ასაკის პირებს ცრიდნენ. ბოლო მონაცემებით, ქვეყანაში, სადაც დაახლოებით 270 მილიონი ადამიანი ცხოვრობს, კორონავირუსის საწინააღმდეგო ვაქცინით მოსახლეობის 27%-ია ვაქცინირებული.