ისრაელმა, 2020 წლის მარტიდან პირველად, ვაქცინირებული ან კორონავირუსისგან გამოჯანმრთელებული უცხოელი ტურისტებისთვის საზღვრები გახსნა, - ინფორმაციას The Times of Israel-ი ავრცელებს.

გამოცემის ცნობით, ისრაელში ტურისტები მხოლოდ იმ ქვეყნებიდან დაიშვებიან, რომლებიც დაინფიცირების მაღალი მაჩვენებლის გამო ე.წ. წითელ სიაში არ არიან შეყვანილი. ამასთან, ახალი რეგულაციების თანახმად, ვიზიტორები თვითმფრინავში ჩასხდომამდე 180 დღის განმავლობაში უნდა იყვნენ აცრილები. თუმცა ვაქცინის მეორე ან მესამე დოზის მიღებიდან 14 დღეზე ნაკლები არ უნდა იყოს გასული.

ისრაელში ის ტურისტები დაიშვებიან, რომლებიც ვაქცინირებულები არიან ჯანდაცვის მსოფლიო ორგანიზაციის მიერ დამტკიცებული ვაქცინებით. მიმდინარე თვის შუა რიცხვებიდან კი ისრაელი რუსული „სპუტნიკით“ აცრილ ტურისტებსაც დაუშვებს.