აშშ-ის ფლოტის ამფიბიური კლასის სამხედრო გემი USS Mount Whitney- შავ ზღვაში ნატოსთან ერთობლივი ოპერაციებისთვის იგზავნება. ამის შესახებ ინფორმაციას აშშ-ს მეექვსე ფლოტი საკუთარ ტვიტერ გვერდზე ავრცელებს.
„მეექვსე ფლოტის საფლანგო ხომალდმა შავ ზღვის მიმართულებით ტრანზიტული მოძრაობა დაიწყო, რათა ნატოს მოკავშირეებთან და პარტნიორებთან ერთად ოპერირება დაიწყოს“, - აღნიშნულია ინფორმაციაში.
„დიდი ოცეულის“ სამიტზე ჩასულმა რუსეთის საგარეო საქმეთა მინისტრმა, სერგეი ლავროვმა თემასთან დაკავშირებით კომენტარი გააკეთა. რუსი დიპლომატის განცხადებით, აშშ-ს საზღვაო ფლოტის ეს ნაბიჯი გლობალურ სტაბილურობას უქმნის საფრთხეს.