სერგეი ლავროვი - რუსეთი აკვირდება უკრაინის ხელისუფლების მცდელობებს მოსკოვი გარკვეული სახის საბრძოლო მოქმედებებში ჩაითრიონ
რუსეთის საგარეო საქმეთა მინისტრი სერგეი ლავროვი კიევს აღმოსავლეთ უკრაინის კონფლიქტში რუსეთის „ჩათრევის“ მცდელობაში ადანაშაულებს.
„რუსეთი აკვირდება უკრაინის ხელისუფლების მცდელობებს, შექმნან პროვოკაციული სიტუაცია და მოსკოვი გარკვეული სახის საბრძოლო მოქმედებებში ჩაითრიონ“, - აღნიშნა ლავროვმა.
რამდენიმე დღის წინ რუსეთმა უკრაინა სიტუაციის დესტაბილიზაციაში დაადანაშაულა მას შემდეგ, რაც უკრაინის სამთავრობო ძალებმა თურქული წარმოების Bayraktar TB2 დრონი რუსეთის მიერ მხარდაჭერილი სეპარატისტების მიერ კონტროლირებად პოზიციაზე დარტმის განსახორციელებლად გამოიყენეს.
მოსკოვის მიერ მხარდაჭერილი სეპარატისტები სამთავრობო ჯარებს უკრაინის დონბასის რეგიონში 2014 წლიდან ებრძვიან, მას შემდეგ რაც რუსეთმა უკრაინას ყირიმის ნახევარკუნძულის უკანონო ანექსია განახორციელა. უკრაინის ოფიციალური ინფორმაციით, კონფლიქტს სულ მცირე 14 000 ადამიანი ემსხვერპლა.
v-if="article.gallery" v-html="article.gallery"
