იემენის პროვინცია მარიბში, მეჩეთსა და რელიგიურ სკოლაზე ჰუსიტების ბალისტიკური სარაკეტო თავდასხმის შედეგად დაიღუპა და დაშავდა 29 მშვიდობიანი მოქალაქე, მათ შორის არიან ქალები და ბავშვები. ამის შესახებ ინფორმაციას CNN ქვეყნის მინისტრის „ტვიტერზე“ გაკეთებულ განცხადებაზე დაყრდნობით ავრცელებს.
მარიბის გუბერნატორის განცხადებაში ნათქვამია, რომ თავდასხმისას ორი ბალისტიკური რაკეტა იყო გამოყენებული.
ბოლო თვეების განმავლობაში სამთავრობო ძალებსა და ჰუსიტებს შორის არსებული კონფლიქტი გამწვავდა. გაერო აღნიშნავს, რომ სექტემბერში 10 000-მდე ადამიანი მარიბში არსებული სიტუაციის ფონზე იძულებული გახდა ტერიტორია დაეტოვებინათ. მათივე განცხადებით, იემენში მიმდინარე ომი და ეკონომიკის ვარდნა ჰუმანიტარულ კრიზისს ქმნის და 16 მილიონ ადამიანს შიმშილი ელოდება.
ჰუსიტებს ჯერჯერობით პასუხისმგებლობა არ აუღიათ.