ალტერნატიული კონსილიუმის ორგანიზატორი - პენიტენციურ სამსახურს არ აქვს საფუძველი, უარი თქვას ექსპერტების შეშვებაზე - სააკაშვილს ორჯერ ჰქონდა გულის გაჩერების რისკი

ცენტრ "ემპათიას" დირექტორის მარიამ ჯიშკარიანის განცხადებით, ე.წ. ალტერნატიული კონსილიუმის შექმნასთან დაკავშირებით პენიტენციურ სამსახურს მიმართეს და საკმარისი დროის გასვლის მიუხედავად, პასუხი არ მიუღიათ.

მისი თქმით, აღნიშნული საქართველოს კანონმდებლობის დარღვევაა, პენიტენციურ სამსახურთან კომუნიკაცია გართულებულია და ამას შეიძლება სკანდალი მოჰყვეს.

„საქართველოს კანონმდებლობით ყველანაირი უფლება აქვს სასჯელაღსრულების დაწესებულებაში მყოფ პატიმარს, მიიღოს ალტერნატიული აზრი და მიიღოს სამედიცინო დახმარების გამწევი დაწესებულება, აირჩიოს მკურნალი ექიმი და ასევე მოითხოვოს და ჩაატაროს მხარის მოთხოვნით ექსპერტიზა. ჩვენ არაერთი გამოცდილება გვაქვს ციხეებში პატიმრების ექსპერტიზის და შესაბამისად არანაირი იურიდიული საფუძველი ჯანდაცვას და პენიტენციურ სამსახურს არ გააჩნია, რომ უარი თქვას აღნიშნული ექსპერტების მიერ სამედიცინო გამოკვლევაზე. ვფიქრობთ, რომ მათ ჰქონდათ საკმაო დრო, რომ ეპასუხათ. მითითებული გვაქვს ტელეფონი, ძალიან კარგად მიცნობენ. შესაბამისად, მათ შეეძლოთ უკვე კომუნიკაცია.

სამწუხაროდ, ციხეების ჯანდაცვა და პენიტენციური სამსახური არ გამოირჩევა გამჭვირვალობით - დახურული სისტემაა, ვებგვერდზეც კი არ არის განთავსებული ინფორმაცია. მათთან კომუნიკაციაც კი გართულებულია. როგორც ჩანს, ამ მიმართულებით ჩვენ გვაქვს კატასტროფა ქვეყანაში, არა მარტო ბატონ მიხეილ სააკაშვილთან მიმართებაში, არამედ მთლიანად ციხეების ჯანდაცვა გასულია მომსახურების სფეროდან და შესაბამისად, ის უნდა დაბრუნდეს ლეგიტიმურ ჩარჩოში, წინააღმდეგ შემთხვევაში ამას მოჰყვება სერიოზული სკანდალი“, - განაცხადა მარიამ ჯიშკარიანმა.

მარიამ ჯიშკარიანის თქმით, მიხეილ სააკაშვილის ჯანმრთელობის მდგომარეობა საფრთხეშია და ორჯერ გულის შეტევის რისკიც კი არსებობდა.

ამასთან, მისი თქმით, ჯანდაცვისა და იუსტიციის სამსახურს არ ესმის რა რისკებთან შეიძლება გვქონდეს საქმე.

„არის არტერიული წნევის მერყეობა, ჰიპოკალემია, რაც იწვევს ძალიან დიდი რისკს გულსისხლძარღვთა სისტემის მხრიდან და ასევე ნერვული სისტემის მხრიდან მოსალოდნელია გულსისხლძარღვთა მწვავე უკმარისობის განვითარება, გულის რიტმის დარღვევა, გულის გაჩერება, შესაძლებელია იშემიური ხასიათის ცვლილებები თავის ტვინში მოხდეს. ძალიან დიდი რისკის ქვეშ დგას ციხეების ჯანდაცვა. კედლისმიერი შეუვალობა, სახელისუფლებო შტოების, ისეთი როგორიც არის იუსტიციის სამინისტრო და ჯანდაცვის სამინისტრო, გვაფიქრებინებს, რომ არ ესმით, რა რისკებთან შეიძლება გვქონდეს საქმე“, - განაცხადა მარიამ ჯიშკარიანმა.

მარიამ ჯიშკარიანი ასევე გამოეხმაურა ყოფილ პრეზიდენტთან დაკავშირებით „ქართული ოცნების“ თავმჯდომარე ირაკლი კობახიძის განცხადებას, რომლის თანახმადაც, მთელი ციხე იცინის, რომ დღეში სამ ლიტრ ლიმონათს სვამს და აღნიშნა, რომ კობახიძეს ინფორმაცია იმის შესახებ თუ რას იღებს მიხეილ სააკაშვილი არ უნდა ჰქონდეს და ადგილი აქვს უფლებამოსილების გადამეტებას.

მისივე თქმით, ამ თემაზე სახელმწიფო ინსპექტორმა გამოძიება უნდა დაიწყოს.

„რამდენადაც ვიცი, მან საერთოდ შეწყვიტა ყველაფრის მიღება უკვე რამდენიმე დღეა. მანამდე ის იღებდა მხოლოდ და მხოლოდ იმ დანიშნულებას, რაც კონსილიუმმა განუსაზღვრა. ჩემთვის ყოვლად გაუგებარია, კობახიძემ და ხელისუფლების სხვა მაღალჩინოსნებმა საიდან იციან, რას იღებს მიხეილ სააკაშვილი. იკვეთება უფლებამოსილების გადამეტება კონფიდენციალური ინფორმაციის თვალსაზრისით. ასე რომ, სახელმწიფო ინსპექტორმა გამოძიება უნდა დაიწყოს და რატომღაც ჩვენ არ გვსმენია მისი მხრიდან ხმამაღალი განცხადება ამის თაობაზე“, - განაცხადა მარიამ ჯიშკარიანმა.

მარინა კალიურანდი - დიახ, არჩევნებით საქართველომ დემოკრატიის ტესტი ჩააბარა, გადააბიჯა დემოკრატიულობის ზღურბლს, მაგრამ არის კითხვა, რამდენად გსურთ მხოლოდ ზღურბლს გადააბიჯოთ
ქართული პრესის მიმოხილვა 26.11.2021
ალექსანდრე თვალჭრელიძე - ხელისუფლებისადმი ნდობა დამოკიდებულია არა იმაზე, თუ რა პროგრამებს აანონსებს, არამედ იმაზე, თუ როგორ ასრულებს გაცემულ დაპირებებს
ბიძინა ლებანიძე - საქართველომ და უკრაინამ გერმანიასთან მიმართებაში ფუჭი მოლოდინი არ უნდა შეიქმნას, გერმანია სამხედრო თვალსაზრისით არ ჩაერთვება არც ერთ სამეზობლო კონფლიქტში
განსაკუთრებული ტექ-ინვესტორი საქართველოში - GAABU-ს ახალი წევრი და ტექნოლოგია, რომელიც ცვლის ტელეკომუნიკაციის სამყაროს მომავალს
სილქფესტი ფასდაკლების დღეებს უერთდება - გაეცანით სილქნეტის მთავარ შეთავაზებებს
ზეთისხილის საერთაშორისო საბჭოს 114-ე სესია, რომელიც საქართველოში მიმდინარეობდა, დასრულდა
პროგრამა ბალანსი ბიზნესისთვის - როგორია ფინანსების აღრიცხვისა და ავტომატიზაციის თანამედროვე სტანდარტი?
XXI საუკუნის ხელნაწერ „ვეფხისტყაოსანზე“ 18-წლიანი მუშაობა დასრულდა - რა უნდა იცოდეთ ახალ, უნიკალურ გამოცემაზე
საინფორმაციო პორტალი 08.GE - ყველა კითხვაზე პასუხი ერთ სივრცეში
საქართველო ზეთისხილის საერთაშორისო დღეს უმასპინძლებს, რომელიც იუნესკოს ეგიდით ტარდება