უკრაინის პრეზიდენტმა ვლადიმერ ზელენსკიმ და აშშ-ის პრეზიდენტმა ჯო ბაიდენმა გლაზგოში შეხვედრა გამართეს და დონბასში უსაფრთხოებასთან დაკავშირებით არსებულ სიტუაციაზე იმსჯელეს.

„ჯო ბაიდენთან გლაზგოში გამართული დიალოგის დროს დონბასში უსაფრთხოებასთან დაკავშირებით არსებული სიტუაცია განვიხილეთ. შეერთებული შტატები განაგრძობს უკრაინის ტერიტორიული მთლიანობისა და რეფორმების მხარდაჭერას“, - წერს პრეზიდენტი ზელენსკი „ტვიტერში“.

აშშ-სა და უკრაინის პრეზიდენტების შეხვედრა გაეროს კლიმატის ცვლილებების კონფერენციის, COP26-ის, ფარგლებში გაიმართა, რომელსაც გლაზგო მასპინძლობს.