ნიგერიის ქალაქ ლაგოსში მაღალსართულიანი მშენებარე საცხოვრებელი კორპუსის ჩამონგრევის შედეგად დაღუპულთა რაოდენობა 22-მდე გაიზარდა, - ინფორმაციას Reuters-ი ავრცელებს.

სააგენტოს ცნობით, ამ დრომდე მაშველებმა 9 ადამიანი ნანგრევებიდან ცოცხალი გამოიყვანეს. ამასთან, შტატის მთავარ არქიტექტორს უფლებამოსილება შეუჩერეს, რადგან მთავრობამ შენობის ჩამონგრევის მიზეზების დასადგენად გამოძიება დაიწყო. Reuters-ი წერს, რომ ნიგერიაში შენობების ნგრევის ფაქტები ხშირად ხდება, რადგან ქვეყანაში სამშენებლო მასალები ხშირ შემთხვევაში უხარისხოა, სამშენებლო რეგულაციებს კი არასათანადოდ იცავენ.

ნიგერიის ქალაქ ლაგოსში 22-სართულიანი მშენებარე საცხოვრებელი კორპუსი ორშაბათს ჩამოინგრა.

გუშინ გავრცელდა ინფორმაცია, რომ დაკარგულად 100-მდე ადამიანი ითვლებოდა.