რუსეთში, გასული დღე-ღამის განმავლობაში, კორონავირუსით კიდევ 1189 ადამიანი გარდაიცვალა, რაც ყველაზე მაღალი დღიური მაჩვენებელია ქვეყნისთვის პანდემიის დაწყების დროიდან.

ამასთან, ბოლო 24 საათის განმავლობაში, კორონავირუსის 40 443 ახალი შემთხვევა გამოვლინდა.

რუსეთში ჯამში, ინფიცირების 8 633 643 შემთხვევაა დადასტურებული, აქედან ვირუსს 242 060 ადამიანი ემსხვერპლა.

შეგახსენებთ, გაუარესებული ეპიდვითარების ფონზე რუსეთში ერთკვირიანი არასამუშაო რეჟიმი გამოცხადდა, რომელიც 7 ნოემბრამდე გაგრძელდება.