თამარ გაბუნიას ინფორმაციით, პირველადი ჯანდაცვის ექიმების წახალისების კამპანიის ფარგლებში, კორონავირუსის საწინააღმდეგო ვაქცინით 500-მდე პირი აიცრა

ჯანდაცვის მინისტრის მოადგილის, თამარ გაბუნიას ინფორმაციით, ამ დროისთვის, პირველადი ჯანდაცვის ექიმების ძალისხმევის შედეგად, 500-მდე პირი აიცრა.

„პირველად ჯანდაცვაში 60 წლის ზემოთ პირების ვაქცინაციის გასააქტიურებლად ამოქმედდა კომპონენტი, რაც ითვალისწინებს ექიმების მიერ აქტიურ კონსულტაციას, რაც ანაზღაურებადია მას შემდეგ, რაც პირი აიცრება. ეს დაიწყო რამდენიმე კვირის წინ, დაახლოებით, ოქტომბრის შუა რიცხვებში.

ერთი კვირის წინ 2000-მდე პირი იყო ამ პროგრამაში რეგისტრირებული. საუბარი მაქვს ასაცრელ პირზე. აქედან 500-მდე უკვე აიცრა ერთხელ. შემდეგ მეორე აცრა მოუწევს და ეს პროცესი გაგრძელდება“, - განაცხადა გაბუნიამ.

ცნობისთვის, ჯანდაცვის სამინისტრომ პირველადი ჯანდაცვის ექიმების წახალისების მიზნით ვაქცინაციის ახალი კამპანია დაიწყო. ექიმები და ექთნები, რომლებიც მოქალაქეებს ვაქცინაციაში ჩართავენ, თითო პირზე 20 ლარს მიიღებენ. ექიმები და ექთნები მოსახლეობასთან კონსულტაციის პროცესში ოქტომბრიდან ჩაერთნენ.

ფარხად მამედოვი - აზერბაიჯან-სომხეთის მოლაპარაკებები შეიძლება შედგეს თბილისში, მაგრამ იმ შემთხვევაში, თუ ძირითადი მოდერატორი ამერიკა იქნება და არა ევროკავშირი
ქართული პრესის მიმოხილვა 26.01.2023
ჯეიმი ფლაი - უკრაინელებმა მთელი მსოფლიო დაარწმუნეს, რომ მზად არიან დაიცვან თავის ქვეყანა, მიუხედავად საშინელი საფრთხისა, რომლის წინაშეც იდგა უკრაინის ბევრი ოფიციალური პირი და უკრაინელი ხალხი
წიგნი, რომელიც ხელოვნური ინტელექტის მიერ დაიწერა BTU-ში წარადგინეს
SWEFLAND Group ონკოლოგიური დაავადებების მქონე ბავშვებისთვის - ურთიერთშეთანხმების მემორანდუმი სოლიდარობის ფონდთან
IDS ბორჯომსა და საქართველოს სათხილამურო ფედერაციას შორის პარტნიორობის მემორანდუმი გაფორმდა