რუსეთმა უკრაინის საზღვართან ახლოს სამხედრო ქვედანაყოფები დატოვა

რუსეთმა უკრაინის საზღვართან ახლოს, ჩატარებული სამხედრო წვრთნების შემდეგ, საკუთარი სამხედრო ქვედანაყოფები დატოვა და აღნიშნულ ტერიტორიაზე რუსი სამხედროების რაოდენობა 90 000-ს აღწევს, - მედიის ინფორმაციით, ამის შესახებ უკრაინის თავდაცვის სამინისტროში განაცხადეს.

უწყების ცნობით, რუსეთის შეიარაღებულმა ძალებმა მიმდინარე წლის მეორე ნახევრის განმავლობაში ფართომასშტაბიანი წვრთნების სერია ჩაატარეს, მათ შორის საჰაერო-სადესანტო ჯარების მონაწილეობით. წვრთნის შემდეგ კი 41-ე არმიის ქვედანაყოფები რუსეთის ევროპულ ნაწილში, უკრაინის საზღვრიდან დაახლოებით 260 კმ-ის მანძილზე დარჩნენ.

„აღსანიშნავია, რომ რუსეთის ფედერაცია პერიოდულად მიმართავს სამხედრო ნაწილების გადაადგილებისა და მობილიზაციის პრაქტიკას, რათა რეგიონში დაძაბულობა, მეზობელ ქვეყნებზე კი პოლიტიკური ზეწოლა შეინარჩუნოს“, - აცხადებენ უწყებაში.

აღსანიშნავია, რომ უკრაინის თავდაცვის სამინისტრომ ორი დღის წინ უარყო მედიაში გავრცელებული ინფორმაცია ქვეყნის საზღვართან რუსი სამხედროების თავმოყრის შესახებ და განაცხადა, რომ სამხედრო ძალების ან შეიარაღების ზრდა არ დაუფიქსირებიათ.

მიმდინარე წლის გაზაფხულზე მოსკოვმა უკრაინის საზღვრის გასწვრივ 100 000-ზე მეტი ჯარისკაცის მობილიზება განახორციელა, რამაც კიევისა და დასავლეთის დედაქალაქების შეშფოთება გამოიწვია, თუმცა რუსეთმა სამხედროები მოგვიანებით ბაზაზე დააბრუნა.

ლევან  შენგელია - საქართველოს შემთხვევაში „სუვერენული დემოკრატია“ საგარეო-პოლიტიკური ორიენტაციის ხასიათსაც ატარებს და ის აშკარად არ არის დასავლეთისკენ მიმართული
ქართული პრესის მიმოხილვა 30.01.2023
გია ხუხაშვილი - „ოცნებამ“ „ნაცმოძრაობის“ თავმჯდომარედ მისთვის ყველაზე კომფორტული პიროვნება მიიღო, ამიტომ იყო, რომ მმართველი გუნდი ხაბეიშვილს გულშემატკივრობდა
კახა ოქრიაშვილი - ჩვენი ეკონომიკა გაიზარდა მხოლოდ შარშან, უკრაინის გაუბედურების ხარჯზე, რადგან საქართველოში ხალხი და ფული რუსეთიდან შემოდის
„ლიბერთი“ მასშტაბური პროექტის „ახალგაზრდული მეწარმეობა სოფლის განვითარებისთვის“ სტრატეგიულ პარტნიორობას აგრძელებს
BTU-მ ხელოვნური ინტელექტის ეროვნული სტრატეგიის შექმნისთვის საჭირო კვლევა დაიწყო
სიახლე - „ლიბერთის“ ბანკომატებში Apple Pay-ს და Google Pay-ს გამოყენებით უკვე შესაძლებელია ნებისმიერი ოპერაციის შესრულება
კახა ოქრიაშვილი - ვულოცავ „ნაციონალურ მოძრაობას“ შიდა დემოკრატიის განვითარების ახალ ეტაპზე გადასვლას, რის შედეგადაც ეს პარტია უკეთესი და უკეთესი ლიდერებით შეივსება“
TNET-ი და USAID-ი ითანამშრომლებენ ელექტრონული კომერციის განვითარებისთვის საქართველოში
CashBack და Mastercard-ის აქცია ქართული ბრენდებისთვის - 60%-მდე ქეშბექი ონლაინ შოპინგისას
EIB Global-სა და კრედო ბანკს შორის მიკრო, მცირე და საშუალო ზომის საწარმოების მხარდასაჭერად 28.8 მილიონი ლარის მოცულობის სასესხო ხელშეკრულება გაფორმდა