უკრაინის სახალხო დამცველი უცხო ქვეყნებს და საერთაშორისო ორგანიზაციებს მოუწოდებს, დაგმონ საქართველოს თანამდებობის პირთა ქმედებები

უკრაინის უმაღლესი რადას კომისარი ადამიანის უფლებათა საკითხებში ლუდმილა დენისოვა მიხეილ სააკაშვილის დედას გიული ალასანიას და მის ადვოკატს შეხვდა.

„უკრინფორმის“ ინფორმაციით, ამის შესახებ კომისარმა სოციალურ ქსელ „ტელეგრამში“ დაწერა.

„შევხვდი უკრაინის მოქალაქის რეფორმების ეროვნული საბჭოს აღმასრულებელი კომიტეტის თავმჯდომარის, მიხეილ სააკაშვილის დედას გიული ალასანიას, მის უკრაინელ ადვოკატს ევგენი გრუშოვეცს და უკრაინელ დეპუტატს ელიზავეტა იასკოს“ , - წერს დენისოვა.

მისი თქმით, სააკაშვილის დედა შეშფოთებულია შვილის ჯანმრთელობის მდგომარეობით, რომელიც 34-ე დღეა შიმშილობს და 20 კილოგრამი დაიკლო. ის შიშობს, რომ ხანგრძლივმა შიმშილობამ შესაძლოა, გამოიწვიოს შეუქცევადი შედეგები მისი სიცოცხლისა და ჯანმრთელობისთვის.

„წნევის ცვალებადობა, პულსის ცვლილება საშუალებას არ იძლეოდა ჩატარებულიყო ანალიზები მიხეილის ჯანმრთელობის ობიექტური მდგომარეობის განსასაზღვრად. საბოლოოდ, დღეს გაკეთდა ყველა შესაძლო ტესტი, რომელთა შედგებსაც ველოდებით“, - განაცხადა დენისოვამ.

კომისარმა მოუწოდა საქართველოს ხელისუფლებას დაუყოვნებლივ მოახდინოს რეაგირება მიხეილ სააკაშვილის ჯანმრთელობის მდგომარეობაზე და მისცენ მას შესაძლებლობა, მიიღოს პროფესიონალური სამედიცინო მხარდაჭერა სამკურნალო დაწესებულებაში.

„სამედიცინო დახმარების აღმოუჩენლობა ეწინააღმდეგება ადამიანის უფლებათა დაცვისა და ძირითადი თავისუფლების კონვენციის მესამე მუხლს“, - განაცხადა დენისოვამ.

მან მოუწოდა უცხო ქვეყნებსა და საერთაშორისო ორგანიზაციებს დაგმონ საქართველოს თანამდებობის პირთა ქმედებები, რომლებიც, მისი თქმით, არღვევენ უკრაინის მოქალაქის მიხეილ სააკაშვილის უფლებებს და მიაღწიონ საქართველოს ხელისუფლებისგან აღუდგინონ მას სამედიცინო დახმარების უფლება.

რამაზ საყვარელიძე - საქართველოს რუსეთისკენ მოძრაობის მოტივს ვერ ვხედავ, სამაგიეროდ ვხედავ რუსეთის მოტივს, დაარწმუნოს ყველა, რომ საქართველო მისი ისეთი კარგი მეგობარია, რომ მოსკოვი ფრენებსაც კი აღადგენს
ქართული პრესის მიმოხილვა 06.02.2023
ლევან  შენგელია - საქართველოს შემთხვევაში „სუვერენული დემოკრატია“ საგარეო-პოლიტიკური ორიენტაციის ხასიათსაც ატარებს და ის აშკარად არ არის დასავლეთისკენ მიმართული
Apple-ისთვის პროგრამული ენის შესასწავლად BTU IOS LAB-ში საბავშვო კოდინგის კურსი დასრულდა
ბორუსან კატმა კოლეჯ „სპექტრში“ სასწავლო ცენტრი გახსნა
კახა ოქრიაშვილი NDI-ის კვლევაზე - მოსახლეობის ნახევარი უმუშევარია - აი, ეს არის სიმართლე
ლიბერთი განათლებისთვის - ლიბერთი 2023 წლის ათასწლეულის ინოვაციის კონკურსის ოფიციალური პარტნიორია