აშშ-ში 192 931 486 ადამიანი სრულადაა ვაქცინირებული

ამერიკის შეერთებულმა შტატებმა კორონავირუსის საწინააღმდეგო ვაქცინების 425 272 828 დოზა გამოიყენა, - ამის შესახებ ინფორმაციას აშშ-ის დაავადებათა კონტროლისა და პრევენციის ცენტრი ავრცელებს.

უწყების ცნობით, 222 268 786-მა ადამიანმა ვაქცინის მინიმუმ ერთი დოზა მიიღო, 192 931 486 მოქალაქე კი სრულადაა ვაქცინირებული.

ამასთან, „ფაიზერის“, „მოდერნას“ ან „ჯონსონ ენდ ჯონსონის“ ვაქცინების ე.წ. „ბუსტერ“ დოზით დაახლოებით 20.6 მილიონი ადამიანია აცრილი.

აშშ-ის დაავადებათა კონტროლისა და პრევენციის ცენტრის მონაცემები, ქვეყანაში მიმდინარე ვაქცინაციის პროცესთან დაკავშირებით, მოიცავს ინფორმაციას აშშ-ში „ფაიზერის“, „მოდერნასა“ და „ჯონსონის“ შესახებ.