აშშ-ში კომპანიების თანამშრომლების სავალდებულო ვაქცინაციის შესახებ ახალი წესი იანვრიდან ამოქმედდება

აშშ-ის პრეზიდენტის, ჯო ბაიდენის ადმინისტრაციის განკარგულებით, 4 იანვრიდან ძალაში შედის ვაქცინაციასთან დაკავშირებული ახალი რეგულაცია, რომლის თანახმადაც კერძო კომპანიების თანამშრომლები სრულად უნდა იყვნენ ვაქცინირებულები, ან კვირაში ერთხელ კოვიდ-19-ზე ტესტი ჩაუტარდეთ.

შრომის დეპარტამენტის შრომის უსაფრთხოებისა და ჯანმრთელობის დაცვის ადმინისტრაციის მიერ ახლად გამოქვეყნებული წესები ვრცელდება იმ კომპანიებზე, რომლებსაც 100 ან მეტი თანამშრომელი ჰყავთ.

ამასთან, 5 დეკემბრიდან ყველა არავაქცინირებულმა დასაქმებულმა უნდა დაიწყოს პირბადის ტარება შენობაში.

წესები არ ვრცელდება იმ ადამიანებზე, რომლებიც მიდიან სამუშაო ადგილზე, სადაც სხვა ადამიანები არ იმყოფებიან, ან რომლებიც მუშაობენ სახლიდან დისტანციურად. გამონაკლისი შეიძლება ასევე შეეხოს დასაქმებულებს, რომლებსაც ვაქცინაცია რელიგიური მრწამსის გამო არ სურთ, შეზღუდული შესაძლებლობის მქონე პირებსა და ადამიანებს, რომლებიც ვაქცინაციას ჯანმრთელობის მდგომარეობის გამო ვერ იტარებენ.

"ჩვენი ქვეყნისთვის არჩევანი მარტივია: მეტი ადამიანის ვაქცინაცია, ან პანდემიის გახანგრძლივება და ქვეყანაზე მისი ზეგავლენის განცდა. ვირუსი თავისთავად არ გაქრება, ან იმიტომ, რომ ჩვენ გვსურს მისი გაქრობა: ჩვენ უნდა ვიმოქმედოთ. ვაქცინაცია არის საუკეთესო გზა ამ პანდემიიდან თავის დასაღწევად. მიუხედავად იმისა, რომ მერჩივნა, მოთხოვნები არ გამხდარიყო აუცილებელი, ძალიან ბევრი ადამიანი რჩება აუცრელი, ამიტომ დავაწესე მოთხოვნები და ისინი მუშაობენ", - აღნიშნულია ჯო ბაიდენის განცხადებაში.

აშშ-ში, კოვიდ 19-ით ყოველდღიურად, საშუალოდ, 1 100 ამერიკელი იღუპება, მათი უმეტესობა არავაქცინირებულია. კორონავირუსმა შეერთებულ შტატებში, ჯამში, 745 000-ზე მეტი ადამიანი იმსხვერპლა. უახლესი მონაცემებით, აშშ-ში ზრდასრულთა დაახლოებით 70% სრულადაა ვაქცინირებული, 80%-ს კი მინიმუმ ერთი დოზა აქვს მიღებული.

მარინა კალიურანდი - დიახ, არჩევნებით საქართველომ დემოკრატიის ტესტი ჩააბარა, გადააბიჯა დემოკრატიულობის ზღურბლს, მაგრამ არის კითხვა, რამდენად გსურთ მხოლოდ ზღურბლს გადააბიჯოთ
ქართული პრესის მიმოხილვა 26.11.2021
ალექსანდრე თვალჭრელიძე - ხელისუფლებისადმი ნდობა დამოკიდებულია არა იმაზე, თუ რა პროგრამებს აანონსებს, არამედ იმაზე, თუ როგორ ასრულებს გაცემულ დაპირებებს
ბიძინა ლებანიძე - საქართველომ და უკრაინამ გერმანიასთან მიმართებაში ფუჭი მოლოდინი არ უნდა შეიქმნას, გერმანია სამხედრო თვალსაზრისით არ ჩაერთვება არც ერთ სამეზობლო კონფლიქტში
განსაკუთრებული ტექ-ინვესტორი საქართველოში - GAABU-ს ახალი წევრი და ტექნოლოგია, რომელიც ცვლის ტელეკომუნიკაციის სამყაროს მომავალს
სილქფესტი ფასდაკლების დღეებს უერთდება - გაეცანით სილქნეტის მთავარ შეთავაზებებს
ზეთისხილის საერთაშორისო საბჭოს 114-ე სესია, რომელიც საქართველოში მიმდინარეობდა, დასრულდა
პროგრამა ბალანსი ბიზნესისთვის - როგორია ფინანსების აღრიცხვისა და ავტომატიზაციის თანამედროვე სტანდარტი?
XXI საუკუნის ხელნაწერ „ვეფხისტყაოსანზე“ 18-წლიანი მუშაობა დასრულდა - რა უნდა იცოდეთ ახალ, უნიკალურ გამოცემაზე
საინფორმაციო პორტალი 08.GE - ყველა კითხვაზე პასუხი ერთ სივრცეში
საქართველო ზეთისხილის საერთაშორისო დღეს უმასპინძლებს, რომელიც იუნესკოს ეგიდით ტარდება