ნიგერის სამხრეთ-დასავლეთ ნაწილში შეიარაღებულმა პირებმა 69 მშვიდობიანი მოქალაქე მოკლეს, - ინფორმაციას BBC-ი ავრცელებს.
გამოცემის ცნობით, დელეგაციას, რომელსაც ბანიბანგუს მერი ხელმძღვანელობდა, მალისთან საზღვართან ახლოს, ტილაბერგის რეგიონში დაესხნენ თავს. გარდაცვლილებს შორის ბანიბანგუს მერიცაა.
ტერიტორიას, სადაც თავდასხმა მოხდა, ე.წ. „ისლამური სახელმწიფოს“ ადგილობრივ განშტოებასთან დაკავშირებული მებრძოლები აკონტროლებენ.
თავდასხმაზე პასუხისმგებლობა ჯერჯერობით არავის აუღია.
მომხდართან დაკავშირებით ნიგერში ორდღიანი გლოვა გამოცხადდა.