აზერბაიჯანში, გასული დღე-ღამის განმავლობაში, კორონავირუსის 2 440 ახალი შემთხვევა დაფიქსირდა და 26 ადამიანი გარდაიცვალა.

ინფორმაციას ადგილობრივი მედია ავრცელებს.

პანდემიის დაწყების დროიდან ქვეყანაში კორონავირუსით ინფიცირების 542 150 შემთხვევა გამოვლინდა, აქედან 503 524 პაციენტი გამოჯანმრთელდა, 7 208 კი - გარდაიცვალა.

ოფიციალური მონაცემებით, აზერბაიჯანში ამ დროისთვის სრულად ვაქცინირებულია ადამიანების 44%-ზე მეტი.