აშშ-ის სახელმწიფო მდივანი ენტონი ბლინკენი აცხადებს, რომ პანდემიასთან ბრძოლის საკითხებზე სხვა ქვეყნების საგარეო საქმეთა მინისტრებთან ვირტუალურ შეხვედრას გამართავს.
„მსოფლიოს მასშტაბით ვაქცინაციის პროგრესის მიუხედავად, ჩვენ არ ვართ იქ, სადაც უნდა ვიყოთ. ეს არ არის მხოლოდ ჯანმრთელობის კრიზისი, არამედ ეკონომიკური, ჰუმანიტარული და უსაფრთხოების კრიზისიცაა”, - განაცხადა ბლინკენმა.
მისივე თქმით, გლობალურ პანდემიას გლობალური მოქმედება სჭირდება.
„ჩვენ განვიხილავთ ძალისხმევას ვაქცინის განაწილების თანასწორობის კუთხით. ჩვენ ასევე განვიხილავთ გლობალური ჯანდაცვის უსაფრთხოების მდგრადი დაფინანსების აუცილებლობას“, - განაცხადა მან.