ავსტრალიაში 16 წლის და უფროსი ასაკის მოსახლეობის 80%-ი კორონავირუსის საწინააღმდეგო ვაქცინით სრულადაა ვაქცინირებული.
„კიდევ ერთი შესანიშნავი ეტაპი, ავსტრალია. ეს არის ხუთიდან ოთხი ადამიანი, რამდენად კარგია? ეს იყო ავსტრალიის ნამდვილი ეროვნული ძალისხმევა“, - განაცხადა ქვეყნის პრემიერ-მინისტრმა სკოტ მორისონმა.
მიუხედავად იმისა, რომ ავსტრალიაში ვაქცინაცია ფედერალურ დონეზე ნებაყოფლობითი რჩება, ქვეყნის ცალკეულმა შტატებმა და ტერიტორიებმა ბევრი პროფესიის ადამიანისთვის ვაქცინაციასთან დაკავშირებული სავალდებულო ზომები შემოიღეს.
ამასთან, არავაქცინირებულ მოქალაქეებს ეკრძალებათ არაერთი აქტივობა, მათ შორის კვების ობიექტებში შესვლა და კონცერტებზე დასწრება.