რუსეთში, გასული დღე-ღამის განმავლობაში, კორონავირუსით დაინფიცირების 41 335 შემთხვევა გამოვლინდა, რაც რეკორდულად მაღალი მაჩვენებელია ქვეყნისთვის, - ინფორმაციას ადგილობრივი მედია ავრცელებს.

ამასთან, რუსეთში, ბოლო 24 საათში, ვირუსს კიდევ 1188 ადამიანი ემსხვერპლა.

პანდემიის დაწყების დროიდან ქვეყანაში, ჯამში, კორონავირუსით 8 755 930 ადამიანი დაინფიცირდა, აქედან 7.5 მილიონზე მეტი პაციენტი გამოჯანმრთელდა, 245 635 კი - დაიღუპა.

შეგახსენებთ, გაუარესებული ეპიდვითარების ფონზე რუსეთში ერთკვირიანი არასამუშაო რეჟიმი გამოცხადდა, რომელიც 7 ნოემბრამდე გრძელდება.