ინდოეთის დედაქალაქ ნიუ-დელიში ბოლო 2 დღეა ჰაერი მნიშვნელოვნად არის დაბინძურებული. Reuters-ის ინფორმაციით, ჰაერის დაბინძურების დონემ ჯანმრთელობისათვის საშიშ ნიშნულს მიაღწია.

ჰაერის ხარისხის ინდექსის (AQI) მიხედვით, ნიუ-დელიში ჰაერის დაბუნძურების დონემ 500-დან 456-ს მიაღწია, რაც „მძიმე“ კატეგორიას მიეკუთვნება.

მედიის ინფორმაციით, ჰაერის მკვეთრი დაბინძურება დივალის ფესტივალთან არის დაკავშირებული, რომლის დადგომასაც მილიონობით ინდოელი ფოიერვერკებით ხვდება. ყოველწლიურად ინდოეთში ჰაერის დაბინძურება მილიონზე მეტი ადამიანის გარდაცვალების მიზეზი ხდება.