ელენე ხოშტარია - თუ კოალიციის პირობები შეიცვლება და მათ შორის ხალხი გადაწყვეტს, რომ მიხეილ სააკაშვილი უნდა იყოს ხელისუფლებაში, მაშინ პროცესის მონაწილე არ ვიქნები, ვიქნები ოპოზიციაში

„დროას“ ლიდერი ელენე ხოშტარია აცხადებს, რომ თუ კოალიციური კონფიგურაცია, რომელიც დღეს არის წარმოდგენილი დაიშლება და პირობები შეიცვლება, მათ შორის თუ ხალხი გადაწყვეტს, რომ მასში მიხეილ სააკაშვილი უნდა იყოს, მაშინ ის პროცესის მონაწილე აღარ იქნება.

როგორც ელენე ხოშტარიამ „პალიტრანიუსის“ გადაცემაში „პოლიტ-ქალაქი“ განაცხადა, ის ამ შემთხვევაში ოპოზიციაში იქნება.

ელენე ხოშტარიას განცხადებით, კოალიციური შეთანხმება „ნაციონალური მოძრაობის“ დღევანდელ თავმჯდომარე ნიკა მელიასთან შედგა და შესაბამისად, მოცემულობის შეცვლის შემთხვევაში, ის წინააღმდეგი იქნება.

ელენე ხოშტარიას მტკიცებით, დღეს, ის რასაც ხელს აწერს, მათ შორის „ნაციონალურ მოძრაობასთან“, ნიკა მელიას თავმჯდომარეობით კოალიციაში ყოფნაა და იმ პირობებში, როცა მიხეილ სააკაშვილი აცხადებს, რომ მას თანამდებობა არ უნდა.

„ჩვენი კოალიციური შეთანხმება უკვე არსებობს. ეს არ არის თეორიული, სამომავლო საუბარი - მიუხედავად იმისა, კოალიციაში მე 2 თუ 3 პროცენტი მაქვს, სხვას რამდენი აქვს, კოალიციური შეთანხმება შედგა. შედგა ისე, რომ მიუხედავად იმისა, უმრავლესობა აქვს „ნაციონალურ მოძრაობას“ , სრული დომინაცია მაინც არ აქვს. ეს კოალიციური შეთანხმება შედგა „ნაციონალური მოძრაობის“ ამჟამინდელ თავმჯდომარესთან, ნიკა მელიასთან, რომლის ხედვაც, არის აბსოლუტურად მყარი რწმენა კოალიციაში. ამის პარალელურად, მიხეილ სააკაშვილი ამბობს, რომ მას თანამდებობა არ უნდა - ეს არის დღევანდელი მოცემულობა და ამ მოცემულობაში ვარ მე კოალიციაში, ამ კონკრეტულ მოცემულობაში ვარ კოალიციაში, თუ პირობები შეიცვლება და მათ შორის ხალხი გადაწყვეტს, რომ არა, მიხეილ სააკაშვილი უნდა იყოს და არა მელია, არა ვინმე სხვა, მაშინ მე ამ პროცესის მონაწილე არ ვიქნები. მე ვიქნები ოპოზიციაში. ვიქნები წინააღმდეგი ასეთი განვითარების. დღეს, მე რასაც ხელს ვაწერ, მათ შორის „ნაციონალურ მოძრაობასთან“, ეს არის ნიკა მელიას თავმჯდომარეობით კოალიციაში ყოფნა და იმ პირობებში, როცა მიხეილ სააკაშვილი აცხადებს, რომ მას თანამდებობა არ უნდა. მე ხელს ვუწყობ იმ კონფიგურაციას, რომელშიც ვმონაწილეობ. ეგრე მიხეილ სააკაშვილი რომ ციხიდან გამოვიდეს, მაგითაც ხელს ვუწყობ, მაგრამ უსამართლობის ხარჯზე მე არ მინდა, რომ ეს ხდებოდეს. მე ვამბობ, სად იცვლება ჩემი პოზიცია და სადამდე არის. მიხეილ სააკაშვილის მობრუნება რომ არ მინდა, ამას მე არ განვსაზღვრავ, ხალხი განსაზღვრავს. მინდა გითხრათ, რომ თუ „ქართული ოცნება“ ასე გააგრძელებს, უფრო და უფრო გაიზრდება შანსები, სხვათაშორის”, - აცხადებს ხოშტარია.

იოსებ ბარათაშვილი - მოვლენები მიმდინარეობს არა ხელისუფლების, არამედ მიხეილ სააკაშვილის სცენარით
ქართული პრესის მიმოხილვა 29.11.2021
მარინა კალიურანდი - დიახ, არჩევნებით საქართველომ დემოკრატიის ტესტი ჩააბარა, გადააბიჯა დემოკრატიულობის ზღურბლს, მაგრამ არის კითხვა, რამდენად გსურთ მხოლოდ ზღურბლს გადააბიჯოთ
შეიძინე Samsung-ის სმარტფონი მხოლოდ ოფიციალური ჰოლოგრამით და ჩაერთე Trade-In აქციაში
„სიმეტრია პარკი“ ოქროყანაში - თბილისს მალე ახალი ჯანსაღი საცხოვრებელი გარემო შეემატება
ჰუალინგის თავისუფალმა ინდუსტრიულმა ზონამ საერთაშორისო აღიარება მოიპოვა
„თქვენს გზავნილზე ახალი საჩუქარია“ - ლიბერთი საერთაშორისო ფულად გზავნილებზე ახალი კამპანიას იწყებს
„კარფურისა“ და „FinExCoop“ მიერ ორგანიზებული „კარტოფილის ფესტივალი“ - ადგილობრივი ფერმერების მხარდასაჭერად
განსაკუთრებული ტექ-ინვესტორი საქართველოში - GAABU-ს ახალი წევრი და ტექნოლოგია, რომელიც ცვლის ტელეკომუნიკაციის სამყაროს მომავალს