აშშ სრულად ვაქცინირებული უცხოელი ვიზიტორებისთვის საზღვრებს ხსნის

შეერთებული შტატები სრულად ვაქცინირებული უცხოელი ვიზიტორებისთვის დღეიდან საზღვრებს ხელახლა ხსნის.

ახალი წესების თანახმად, უცხო ქვეყნების მოქალაქეებს თვითმფრინავში ასვლამდე ვაქცინაციის დამადასტურებელი დოკუმენტისა და გამგზავრებამდე სამი დღის განმავლობაში აღებული ტესტის ნეგატიური პასუხის წარდგენა ევალებათ. მათ კარანტინის გავლა აღარ მოუწევთ.

აშშ-ში შესვლის შეზღუდვა ყოფილმა პრეზიდენტმა, დონალდ ტრამპმა კოვიდ-19-ის პანდემიის გამო დააწესა. კერძოდ, კორონავირუსის გავრცელების შეჩერების მიზნით, 2020 წლის დასაწყისში აშშ-ის საზღვრები, თავდაპირველად, ჩინეთიდან ჩასული მგზავრებისთვის დაიხურა, შემდეგ კი შეზღუდვები სხვა ქვეყნებზეც გავრცელდა და 30-ზე მეტი ქვეყნიდან, მათ შორის გაერთიანებული სამეფოსა და ევროკავშირის ქვეყნებიდან, ჩასულ იმ პირებს შეეხო, რომლებიც აშშ-ის მოქალაქეები არ იყვნენ.

აღსანიშნავია, რომ ევროკავშირმა ბლოკის ტერიტორიაზე აშშ-დან ჩასული ვიზიტორების მიღება ივნისში, გაერთიანებულმა სამეფომ კი - ივლისში განაახლა.

იოსებ ბარათაშვილი - მოვლენები მიმდინარეობს არა ხელისუფლების, არამედ მიხეილ სააკაშვილის სცენარით
ქართული პრესის მიმოხილვა 29.11.2021
მარინა კალიურანდი - დიახ, არჩევნებით საქართველომ დემოკრატიის ტესტი ჩააბარა, გადააბიჯა დემოკრატიულობის ზღურბლს, მაგრამ არის კითხვა, რამდენად გსურთ მხოლოდ ზღურბლს გადააბიჯოთ
„კარფურისა“ და „FinExCoop“ მიერ ორგანიზებული „კარტოფილის ფესტივალი“ - ადგილობრივი ფერმერების მხარდასაჭერად
განსაკუთრებული ტექ-ინვესტორი საქართველოში - GAABU-ს ახალი წევრი და ტექნოლოგია, რომელიც ცვლის ტელეკომუნიკაციის სამყაროს მომავალს