კრემლი ადასტურებს, რომ მიმდინარე კვირაში რუსეთის, აზერბაიჯანისა სომხეთის ლიდერების, ვლადიმერ პუტინის, ილჰამ ალიევისა და ნიკოლ ფაშინიანის შეხვედრაა დაგეგმილი, - ინფორმაციას „ინტერფაქსი“ ავრცელებს.
„დიახ, ასეთი შეხვედრა მზადდება და მზადდება ვიდეო კონფერენციის ფორმატში“, - განუცხადა „ინტერფაქსს“ რუსეთის პრეზიდენტის პრესსპიკერმა დიმიტრი პესკოვმა.
მანამდე ტელეკომპანია Россия-1-მა გაავრცელა ინფორმაცია, რომ ვლადიმერ პუტინს, ილჰამ ალიევსა და ნიკოლ ფაშინიანს შორის შეხვედრა იგეგმებოდა. ტელეკომპანიის ცნობით, სამმხრივი შეხვედრა მთიან ყარაბაღში ცეცხლის შეწყვეტის შესახებ დოკუმენტის ხელმოწერის წლისთავს უკავშირდება.