ერაყის პრემიერ-მინისტრის ოფისი, პრემიერ-მინისტრის, მუსტაფა ალ-კადიმის რეზიდენციაზე განხორციელებულ თავდასხმას ლაჩრულ ტერორისტულ ქმედებად აფასებს. „პრემიერ-მინისტრის მკვლელობის მიზნით მის წინააღმდეგ განხორციელებული ლაჩრული ტერორისტული თავდასხმა კრიმინალური შეიარაღებული დაჯგუფებების მიერ ერაყის სახელმწიფოს წინააღმდეგ განხორციელებული სერიოზული თავდასხმაა“, - ნათქვამია მუსტაფა ალ-კადიმის ოფისის მიერ გავრცელებულ განცხადებაში.
შეგახსენებთ, ერაყის პრემიერ-მინისტრის რეზიდენციაზე სამი დრონის გამოყენებით თავდასხმა განხორციელდა, რის შედეგადაც მუსტაფა ალ-კადიმის პირადი დაცვის 6 წევრი დაშავდა. მომხდარზე პასუხისმგებლობა ჯერჯერობით არავის აუღია. აშშ-ის სახელმწიფო დეპარტამენტმა თავდასხმა დაგმო.
„ჩვენ მჭიდრო კავშირში ვართ ერაყის უსაფრთხოების ძალებთან, რომლებსაც ევალებათ ერაყის სუვერენიტეტისა და დამოუკიდებლობის დაცვა და ვთავაზობთ დახმარებას ამ თავდასხმის გამოძიებისას“, - აღნიშნულია განცხადებაში.
მომხდარს გამოეხმაურა აშშ-ის პრეზიდენტი ჯო ბაიდენიც და განაცხადა, რომ ამ ტერორისტული თავდასხმის მონაწილე დამნაშავეები უნდა დაისაჯონ.
„მკაცრად ვგმობ მათ, ვინც ძალადობით ძირს უთხრის დემოკრატიულ პროცესს ერაყში,“- აღნიშნა ნათქვამია ჯო ბაიდენის განცხადებაში.